Лінкі ўнівэрсальнага доступу

Андрэс Геркель: Лукашэнка зрабіў сюрпрыз міжнародным структурам


Аляксей Дзікавіцкі, Варшава Спадар Андрэс Геркель, старшыня падкамітэту ў справах Беларусі Парлямэнцкай Асамблеі Рады Эўропы, дэпутат эстонскага парлямэнту.

(Геркель: ) “Маё першае ўражаньне такое – Лукашэнка хацеў зрабіць так бы мовіць сюрпрыз апазыцыйнаму кандыдату, але таксама і міжнародным арганізацыям, шмат якія зь іх заплянавалі сваю працу на наступны год, мяркуючы, што выбары будуць улетку.

Прыкладам, Рада Эўропы рыхтуе цяпер справаздачу пра сытуацыю ў Беларусі, якая будзе абмяркоўвацца ў студзені. Калі казаць пра канкрэтныя пытаньні, зьвязаныя з выбарамі, прыкладам, пра міжнароднае назіраньне – гэта таксама ўскладняецца. Адзіная з эўрапейскіх арганізацыяў, у якую ўваходзіць Беларусь, гэта АБСЭ.

Ня ведаю, ці запросіць афіцыйны Менск, прыкладам, назіральнікаў ад Рады Эўропы. Калі міжнародныя назіральнікі з заходніх краінаў ня будуць запрошаныя, дык верагоднасьць дэмакратычнасьці гэтых выбараў будзе нулявая”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG