Віктар Сівохін дзьве гадзіны размаўляў зь Мікалаем Аўтуховічам і лічыць ягоны стан пасьля працяглай галадоўкі — крытычным.
Тым часам каля 600 жыхароў Ваўкавыску паставілі подпісы пад зваротам да прэзыдэнта Лукашэнкі, яны просяць зьмяніць арыштаванаму меру стрыманьня.
Адвакат Галіна Іванова паведаміла, што Мікалай Аўтуховіч сёньня кепска адчуваў сябе, і калі сьледчы абвяшчаў яму аб заканчэньні сьледзтва, прысутнічаў турэмны доктар. Пачатковую суму неаплачаных падаткаў — 679 мільёнаў рублёў у канчатковым абвінавачаньні яму зьнізілі амаль на 300 мільёнаў.
Арыштаваны просіць выпусьціць яго з-за кратаў з падпіскай аб нявыезьдзе, каб ён мог падлячыцца і падрыхтавацца да суду.
Віктар Сівохін з арганізацыі вэтэранаў савецка-афганскай вайны, які наведаў Аўтуховіча ў турме, прызнаецца, што калі ўбачыў яго, дык заплакаў, хаця, падкрэсьлівае, што зьяўляецца баявым палкоўнікам... Ён зазначае, што вэтэраны аўганскай вайны вымушаны зьвярнуцца да генэральнага пракурора з просьбай зьмяніць меру стрыманьня Аўтуховічу, які нікуды не зьбіраецца ўцякаць.
(Сівохін: ) “Вэтэран вайны ў Аўганістане, які сумленна працаваў, даў працу людзям, вэтэранам вайны, заробкі, ён чамусьці ізаляваны ад грамадзтва, хаця ягоны стан сёньня практычна крытычны — гэта я вам кажу, таму што я яго ведаў і бачыў такім жыцьцярадасным і магутным”.
Віктар Сівохін зазначае, што ўсе, хто ваяваў у Аўганістане, вярнуліся з абвостраным пачуцьцём справядлівасьці. Гэта датычыць і Мікалая Аўтуховіча, кавалера ордэна Чырвонага сьцягу і мэдалёў За адвагу і За баявыя заслугі. Віктар Сівохін не дае веры таму, што арыштаваны можа нешта ўжываць, галадаць ня поўнасьцю.
(Сівохін:) “Які мёд! Гэта казкі! Я бачыў гэтага чалавека. Калі доктар даў яму таблетку вітамінную, яго адразу званітавала са сьлізьзю, у яго страўнік ужо адпрэчвае нават гэтыя вітаміны. Таму сёньня сытуацыя такая, што можам страціць чалавека ў мірны час. Я ня ведаю, якую пагрозу ён прадстаўляе у Ваўкавыску і Гарадзенскай вобласьці, я не уяўляю — якую пагрозу”.
Віктар Сівохін дадае, што Аўтуховіч нагадвае сёньня зьнятага з крыжа, гэта “худы, абцягнуты скурай чалавек”, гаворыць ён.
(Сівохін: ) “У нас сярэдні ўзрост тых, хто памёр пасьля Аўганістану, — 48 гадоў. Пяць тысяч хлопцаў памерлі. 771 чалавек загінуў за 10 гадоў вайны ў Аўганістане, і 5 тысяч сёньня на могілках — па Беларусі”.
Мікалаю Аўтуховічу 42 гады.
***
Прадпрымальніка Мікалая Аўтуховіча абвінавачваюць ва ухіленьні ад выплаты падаткаў, што пацягнула страты для бюджэту ў асабліва буйным памеры. Крымінальная справа супраць прадпрымальніка датычыць другой часткі артыкула 243, якім прадугледжана пакараньне — ад трох да сямі гадоў зьняволеньня. Суд можа пры гэтым таксама канфіскаваць маёмасьць.
Тым часам каля 600 жыхароў Ваўкавыску паставілі подпісы пад зваротам да прэзыдэнта Лукашэнкі, яны просяць зьмяніць арыштаванаму меру стрыманьня.
Адвакат Галіна Іванова паведаміла, што Мікалай Аўтуховіч сёньня кепска адчуваў сябе, і калі сьледчы абвяшчаў яму аб заканчэньні сьледзтва, прысутнічаў турэмны доктар. Пачатковую суму неаплачаных падаткаў — 679 мільёнаў рублёў у канчатковым абвінавачаньні яму зьнізілі амаль на 300 мільёнаў.
Арыштаваны просіць выпусьціць яго з-за кратаў з падпіскай аб нявыезьдзе, каб ён мог падлячыцца і падрыхтавацца да суду.
Віктар Сівохін з арганізацыі вэтэранаў савецка-афганскай вайны, які наведаў Аўтуховіча ў турме, прызнаецца, што калі ўбачыў яго, дык заплакаў, хаця, падкрэсьлівае, што зьяўляецца баявым палкоўнікам... Ён зазначае, што вэтэраны аўганскай вайны вымушаны зьвярнуцца да генэральнага пракурора з просьбай зьмяніць меру стрыманьня Аўтуховічу, які нікуды не зьбіраецца ўцякаць.
(Сівохін: ) “Вэтэран вайны ў Аўганістане, які сумленна працаваў, даў працу людзям, вэтэранам вайны, заробкі, ён чамусьці ізаляваны ад грамадзтва, хаця ягоны стан сёньня практычна крытычны — гэта я вам кажу, таму што я яго ведаў і бачыў такім жыцьцярадасным і магутным”.
Віктар Сівохін зазначае, што ўсе, хто ваяваў у Аўганістане, вярнуліся з абвостраным пачуцьцём справядлівасьці. Гэта датычыць і Мікалая Аўтуховіча, кавалера ордэна Чырвонага сьцягу і мэдалёў За адвагу і За баявыя заслугі. Віктар Сівохін не дае веры таму, што арыштаваны можа нешта ўжываць, галадаць ня поўнасьцю.
(Сівохін:) “Які мёд! Гэта казкі! Я бачыў гэтага чалавека. Калі доктар даў яму таблетку вітамінную, яго адразу званітавала са сьлізьзю, у яго страўнік ужо адпрэчвае нават гэтыя вітаміны. Таму сёньня сытуацыя такая, што можам страціць чалавека ў мірны час. Я ня ведаю, якую пагрозу ён прадстаўляе у Ваўкавыску і Гарадзенскай вобласьці, я не уяўляю — якую пагрозу”.
Віктар Сівохін дадае, што Аўтуховіч нагадвае сёньня зьнятага з крыжа, гэта “худы, абцягнуты скурай чалавек”, гаворыць ён.
(Сівохін: ) “У нас сярэдні ўзрост тых, хто памёр пасьля Аўганістану, — 48 гадоў. Пяць тысяч хлопцаў памерлі. 771 чалавек загінуў за 10 гадоў вайны ў Аўганістане, і 5 тысяч сёньня на могілках — па Беларусі”.
Мікалаю Аўтуховічу 42 гады.
***
Прадпрымальніка Мікалая Аўтуховіча абвінавачваюць ва ухіленьні ад выплаты падаткаў, што пацягнула страты для бюджэту ў асабліва буйным памеры. Крымінальная справа супраць прадпрымальніка датычыць другой часткі артыкула 243, якім прадугледжана пакараньне — ад трох да сямі гадоў зьняволеньня. Суд можа пры гэтым таксама канфіскаваць маёмасьць.
