Лінкі ўнівэрсальнага доступу

Актывіста Моладзі БНФ затрымалі за “Народную Волю”


Алег Грузьдзіловіч, Менск За распаўсюджваньне “Народнай Волі” патрапіў у міліцыю актывіст аргкамітэту Моладзі БНФ Алесь Мазанік. Юнака затрымалі, калі той ішоў праз Кастрычніцкую плошчу Менску зь некалькімі асобнікамі газэты ў руках.

Спачатку Алеся Мазаніка абвінавацілі ў распаўсюджваньні незарэгістраванага выданьня, але пазьней высьветлілі, што “Народная Воля” не забароненая, і адпусьцілі.

У Цэнтральным райаддзеле міліцыі Менску Алеся Мазаніка трымалі тры гадзіны.

На мінулым тыдні пры падобных абставінах зь некалькімі асобнікамі “Народнай Волі” быў затрыманы актывіст Моладзі БНФ Алесь Каліта. Супраць яго склалі пратакол аб адміністрацыйным парушэньні, але пакуль невядома, ці завялі паводле гэтага пратаколу адміністрацыйную справу.
XS
SM
MD
LG