Арганізатары “Беларускіх спатканьняў” - грамадзкая арганізацыя “Беларуская ініцыятыва”, у якую ўваходзяць пераважна беларусы, што жывуць у Варшаве, падзялілі імпрэзу на тры часткі – кожны дзень прысьвечаны розным аспэктам жыцьця Беларусі. Прыкладам сёньня гаворка пойдзе пра грамадзка-культурныя падзеі ў краіне.
Ахвочыя змогуць пабачыць выставу мастака Алеся Пушкіна, а таксама паслухаць лекцыі пра палітыку Польшчы і Эўразьвязу ў дачыненьнях зь Беларусьсю, сытуацыю, у якой дзейнічаюць беларускія недзяржаўныя арганізацыі.
Вось што паведаміў адзін зь лідэраў “Беларускай ініцыятывы” Уладзя Міхневіч:
(Міхневіч: ) “Мы арганізуем цыкл лекцыяў, выставу і паказ дакумэнтальных фільмаў пад агульнай назвай “Культура супраць дыктатуры”. Гэта шырокая культурніцкая акцыя”.
Каго арганізатары спадзяюцца пабачыць на “Беларускіх спатканьнях”, большасьць зь якіх адбудзецца ў Варшаўскім унівэрсытэце?
(Міхневіч: ) “Імпрэза разьлічаная перадусім на людзей, якія нешта ўжо ведаюць пра Беларусь і хочуць даведацца больш, але таксама на тых, хто нічога пра Беларусь ня ведае, але хоча зразумець, што там адбываецца і чаму так адбываецца”.
Другі дзень “Беларускіх спатканьняў” будзе цалкам прысьвечаны сытуацыі, у якой апынулася беларуская культура, трэці – рэлігійнай сытуацыі і беларускай меншасьці ў Польшчы.
Адметна, што кожны дзень даволі шмат часу прысьвечана на паказ дакумэнтальных фільмаў.
(Міхневіч: ) “Напрыклад, мне мае знаёмыя ўвесь час задаюць пытаньні - што ды чаму так у Беларусі адбываецца. Дык вось, пры дапамозе фільмаў прасьцей гэта зразумець, чым калі тлумачыш словамі”.
У “Беларускіх спатканьнях” возьмуць удзел таксама вядомыя музыкі зь Беларусі, сярод іх – Зьміцер Вайцюшкевіч і гурт “Стары Ольса”.
Ахвочыя змогуць пабачыць выставу мастака Алеся Пушкіна, а таксама паслухаць лекцыі пра палітыку Польшчы і Эўразьвязу ў дачыненьнях зь Беларусьсю, сытуацыю, у якой дзейнічаюць беларускія недзяржаўныя арганізацыі.
Вось што паведаміў адзін зь лідэраў “Беларускай ініцыятывы” Уладзя Міхневіч:
(Міхневіч: ) “Мы арганізуем цыкл лекцыяў, выставу і паказ дакумэнтальных фільмаў пад агульнай назвай “Культура супраць дыктатуры”. Гэта шырокая культурніцкая акцыя”.
Каго арганізатары спадзяюцца пабачыць на “Беларускіх спатканьнях”, большасьць зь якіх адбудзецца ў Варшаўскім унівэрсытэце?
(Міхневіч: ) “Імпрэза разьлічаная перадусім на людзей, якія нешта ўжо ведаюць пра Беларусь і хочуць даведацца больш, але таксама на тых, хто нічога пра Беларусь ня ведае, але хоча зразумець, што там адбываецца і чаму так адбываецца”.
Другі дзень “Беларускіх спатканьняў” будзе цалкам прысьвечаны сытуацыі, у якой апынулася беларуская культура, трэці – рэлігійнай сытуацыі і беларускай меншасьці ў Польшчы.
Адметна, што кожны дзень даволі шмат часу прысьвечана на паказ дакумэнтальных фільмаў.
(Міхневіч: ) “Напрыклад, мне мае знаёмыя ўвесь час задаюць пытаньні - што ды чаму так у Беларусі адбываецца. Дык вось, пры дапамозе фільмаў прасьцей гэта зразумець, чым калі тлумачыш словамі”.
У “Беларускіх спатканьнях” возьмуць удзел таксама вядомыя музыкі зь Беларусі, сярод іх – Зьміцер Вайцюшкевіч і гурт “Стары Ольса”.