Адвакаты ў пятніцу не былі ў Мікалая Аўтуховіча, і рэальна пра ягоны стан можна будзе даведацца толькі ў панядзелак. Ягоных калегаў гэта вельмі непакоіць, яны пасьля выхадных зьбіраюцца ў Горадню, сказаў мне адзін з ваўкавыскіх галадоўнікаў Уладзімір Асіпенка.
(Асіпенка:) “Сёньня да нас далучыўся яшчэ адзін галадоўнік — наш кіроўца Лінкевіч Дзьмітры. Тэлефанаваў сёньня з Горадні прадстаўнік Савету вэтэранаў Мельнікаў Мікалай Аляксандравіч. Ён гаварыў: добра, што мы дапамагаем Аўтуховічу. Пытаўся: ці ён разумее, што яму канец будзе, калі будзе працягваць галадоўку? Канешне, Аўтуховіч гэта разумее. Можа паразмаўляйце зь ім, каб ён спыніў гэтую галадоўку? Як ён даслоўна сказаў: ён рады, што ў Беларусі яшчэ ёсьць такія людзі як Аўтуховіч”.
Крымінальная справа супраць Мікалая Аўтуховіча грунтуецца на тым, што ён не заплаціў за два гады і два месяцы 679 мільёнаў рублёў падаткаў. Раней на яго наклалі вялікія штрафныя санкцыі з фармулёўкай “за парушэньні касавых апэрацый”. Падатковая служба спасылалася на тое, што кіроўцы ягоных таксовак здавалі выручку асабіста яму як уладальніку машын і таксомэтраў, а ня ў фірму “Ніка-транс”, дзе былі на ўліку. Маўляў, праз гэта ён не заплаціў цалкам падаткі з выручкі.
Аднак Прэзыдыюм Вышэйшага гаспадарчага суду нядаўна адмяніў усе рашэньні наконт спагнаньня штрафаў і накіраваў справу на новы разгляд. Гэта ўмацавала Аўтуховіча ў перакананьні, што ён не парушаў законаў. Для яго стала нечаканасьцю, што неўзабаве фінансавая міліцыя распачала супраць яго крымінальную справу і яго зь першага дня на час сьледзтва пасадзілі за краты. Прадпрымальнік адразу распачаў галадоўку пратэсту. З пачатку гэтага тыдня ягоныя калегі у Ваўкавыску, каб падтрымаць яго маральна, таксама пачалі галадаць.
***
Мікалая Аўтуховіча арыштавалі 14 кастрычніка ў Горадні. Яго абвінавачваюць ва ухіленьні ад выплаты падаткаў, што пацягнула страты для бюджэту ў асабліва буйным памеры. Яму налічылі недаплачаных падаткаў — 679 мільёнаў рублёў. Крымінальная справа супраць прадпрымальніка датычыць другой часткі артыкула 243, якім прадугледжана пакараньне — ад трох да сямі гадоў зьняволеньня. Суд можа пры гэтым таксама канфіскаваць маёмасьць.
Цяперашняя яго галадоўка — чацьвертая. Ён тройчы галадаў на волі, два разы яго падтрымлівалі кіроўцы, у акцыі ўдзельнічалі тады больш за 30 чалавек. Дагэтуль самай працяглай галадоўкай Аўтуховіча была 31-дзённая, якая адбылася сёлетняй вясною.
(Асіпенка:) “Сёньня да нас далучыўся яшчэ адзін галадоўнік — наш кіроўца Лінкевіч Дзьмітры. Тэлефанаваў сёньня з Горадні прадстаўнік Савету вэтэранаў Мельнікаў Мікалай Аляксандравіч. Ён гаварыў: добра, што мы дапамагаем Аўтуховічу. Пытаўся: ці ён разумее, што яму канец будзе, калі будзе працягваць галадоўку? Канешне, Аўтуховіч гэта разумее. Можа паразмаўляйце зь ім, каб ён спыніў гэтую галадоўку? Як ён даслоўна сказаў: ён рады, што ў Беларусі яшчэ ёсьць такія людзі як Аўтуховіч”.
Крымінальная справа супраць Мікалая Аўтуховіча грунтуецца на тым, што ён не заплаціў за два гады і два месяцы 679 мільёнаў рублёў падаткаў. Раней на яго наклалі вялікія штрафныя санкцыі з фармулёўкай “за парушэньні касавых апэрацый”. Падатковая служба спасылалася на тое, што кіроўцы ягоных таксовак здавалі выручку асабіста яму як уладальніку машын і таксомэтраў, а ня ў фірму “Ніка-транс”, дзе былі на ўліку. Маўляў, праз гэта ён не заплаціў цалкам падаткі з выручкі.
Аднак Прэзыдыюм Вышэйшага гаспадарчага суду нядаўна адмяніў усе рашэньні наконт спагнаньня штрафаў і накіраваў справу на новы разгляд. Гэта ўмацавала Аўтуховіча ў перакананьні, што ён не парушаў законаў. Для яго стала нечаканасьцю, што неўзабаве фінансавая міліцыя распачала супраць яго крымінальную справу і яго зь першага дня на час сьледзтва пасадзілі за краты. Прадпрымальнік адразу распачаў галадоўку пратэсту. З пачатку гэтага тыдня ягоныя калегі у Ваўкавыску, каб падтрымаць яго маральна, таксама пачалі галадаць.
***
Мікалая Аўтуховіча арыштавалі 14 кастрычніка ў Горадні. Яго абвінавачваюць ва ухіленьні ад выплаты падаткаў, што пацягнула страты для бюджэту ў асабліва буйным памеры. Яму налічылі недаплачаных падаткаў — 679 мільёнаў рублёў. Крымінальная справа супраць прадпрымальніка датычыць другой часткі артыкула 243, якім прадугледжана пакараньне — ад трох да сямі гадоў зьняволеньня. Суд можа пры гэтым таксама канфіскаваць маёмасьць.
Цяперашняя яго галадоўка — чацьвертая. Ён тройчы галадаў на волі, два разы яго падтрымлівалі кіроўцы, у акцыі ўдзельнічалі тады больш за 30 чалавек. Дагэтуль самай працяглай галадоўкай Аўтуховіча была 31-дзённая, якая адбылася сёлетняй вясною.