Віленская акцыя “Дзень беларуска-літоўскай салідарнасьці” – частка сёньняшніх акцыяў салідарнасьці зь сем’ямі зьніклых і палітвязьняў, арганізатары якой заклікалі а восьмай гадзіне вечара выключыць на 15 хвілін сьвятло ў кватэрах і запаліць у вокнах сьвечкі.
Гэтую акцыю ініцыявалі беларускія студэнты, якія вучацца ў розных ВНУ ў Вільні, да іх далучыліся літоўскія студэнты, прадстаўнікі моладзевай арганізацыі “Аб''яднаны цэнтар беларускіх ініцыятываў”, іншыя віленскія беларусы і наведнікі Вільні.
Шэсьце салідарнасьці пачалося а 14-й гадзіне каля Вострай Брамы, далейшы маршрут – могілкі Росы, дзе пахаваныя знаныя беларускія дзеячы, Базыльянскія муры, дзе месьцілася Віленская Беларуская гімназія і Беларускі музэй імя І.Луцкевіча, мэмарыяльная табліца Скарыны, званіца касьцёла Сьв. Яна ў Віленскім унівэрсытэце, вежа Гедыміна, Катэдральны пляц.
Акцыя была несанкцыянаваная, паколькі ў ёй не плянавалася вялікая колькасьць удзельнікаў. Цягам шэсьця да яго далучаліся новыя ўдзельнікі, запальвалі сьвечкі. Адныя адыходзілі – далучаліся іншыя, усяго ў шэсьці ўзялі ўдзел каля 30 чалавек. Удзельнікі шэсьця кажуць:
(Зьміцер: ) “Я проста прыехаў сюды на экскурсію, паглядзець на Вільню, на адметныя месцы Вільні, зьвязаныя з гісторыяй Беларусі, з культурай і вось далучыўся, калі даведаўся.”
(Астап: ) “Падаецца, што гэта даволі цікавае і культурнае мерапрыемства, – і для самаразьвіцьця, і каб чарговы раз адчуць сябе ў Вільні беларусам, што заўсёды прыемна”.
(Валерыя: ) “16 кастрычніка я таксама запальвала сьвечку. Зьбегала хуценька ў краму, за некалькі хвілінаў пасьпела, убегла ў пакой, кінулася да вакна і запаліла сьвечку. Сёньня я далучылася да тых, хто сабраўся тут, бо гэта дзень беларускай еднасьці, мы павінны быць разам, каб хаця нешта зьмяніць – нават не ў краіне, але ў грамадзтве, думку грамадзкую, неяк паўплываць на гэта. Цяпер разьяднаньне нейкае сярод беларусаў, кожны сам па сабе. Я лічу, што калі хочаш чагосьці дасягнуць, трэба кансалідавацца, бо еднасьць – гэта нашая сіла”.
Адзін з ініцыятараў, Валеры Руселік, кажа, што шэсьце і запальваньне сьвечак плянавалася як грамадзянская акцыя і ўсё атрымоўваецца нават лепей, чым плянавалі.
(Руселік: ) “Яшчэ ўчора мы хваляваліся, каб што не здарылася, не перашкодзіла, алё ўсё вельмі добра, людзі добра рэагуюць. Я асабіста вельмі ўсьцешаны, што акцыя адбываецца, не абавязкова рабіць акцыі на вялікія масы. Калі мы самі робім і ўдзельнічаем, вось гэта сапраўды і дзеяньні, і салідарнасьць, і – як раз цяпер – сьвята Божай Маці Вострабрамскай, і ўсё разам. Я вельмі задаволены.”
Напрыканцы шэсьця, а восьмай гадзіне ўдзельнікі прыйдуць да будынку Беларускай амбасады ў Вільні і паставяць 16 запаленых сьвечак каля брамы. Ініцыятары сёньняшняга шэсьця паведамілі, што 16 сьнежня ў Вільні зноў адбудзецца акцыя салідарнасьці.
Гэтую акцыю ініцыявалі беларускія студэнты, якія вучацца ў розных ВНУ ў Вільні, да іх далучыліся літоўскія студэнты, прадстаўнікі моладзевай арганізацыі “Аб''яднаны цэнтар беларускіх ініцыятываў”, іншыя віленскія беларусы і наведнікі Вільні.
Шэсьце салідарнасьці пачалося а 14-й гадзіне каля Вострай Брамы, далейшы маршрут – могілкі Росы, дзе пахаваныя знаныя беларускія дзеячы, Базыльянскія муры, дзе месьцілася Віленская Беларуская гімназія і Беларускі музэй імя І.Луцкевіча, мэмарыяльная табліца Скарыны, званіца касьцёла Сьв. Яна ў Віленскім унівэрсытэце, вежа Гедыміна, Катэдральны пляц.
Акцыя была несанкцыянаваная, паколькі ў ёй не плянавалася вялікая колькасьць удзельнікаў. Цягам шэсьця да яго далучаліся новыя ўдзельнікі, запальвалі сьвечкі. Адныя адыходзілі – далучаліся іншыя, усяго ў шэсьці ўзялі ўдзел каля 30 чалавек. Удзельнікі шэсьця кажуць:
(Зьміцер: ) “Я проста прыехаў сюды на экскурсію, паглядзець на Вільню, на адметныя месцы Вільні, зьвязаныя з гісторыяй Беларусі, з культурай і вось далучыўся, калі даведаўся.”
(Астап: ) “Падаецца, што гэта даволі цікавае і культурнае мерапрыемства, – і для самаразьвіцьця, і каб чарговы раз адчуць сябе ў Вільні беларусам, што заўсёды прыемна”.
(Валерыя: ) “16 кастрычніка я таксама запальвала сьвечку. Зьбегала хуценька ў краму, за некалькі хвілінаў пасьпела, убегла ў пакой, кінулася да вакна і запаліла сьвечку. Сёньня я далучылася да тых, хто сабраўся тут, бо гэта дзень беларускай еднасьці, мы павінны быць разам, каб хаця нешта зьмяніць – нават не ў краіне, але ў грамадзтве, думку грамадзкую, неяк паўплываць на гэта. Цяпер разьяднаньне нейкае сярод беларусаў, кожны сам па сабе. Я лічу, што калі хочаш чагосьці дасягнуць, трэба кансалідавацца, бо еднасьць – гэта нашая сіла”.
Адзін з ініцыятараў, Валеры Руселік, кажа, што шэсьце і запальваньне сьвечак плянавалася як грамадзянская акцыя і ўсё атрымоўваецца нават лепей, чым плянавалі.
(Руселік: ) “Яшчэ ўчора мы хваляваліся, каб што не здарылася, не перашкодзіла, алё ўсё вельмі добра, людзі добра рэагуюць. Я асабіста вельмі ўсьцешаны, што акцыя адбываецца, не абавязкова рабіць акцыі на вялікія масы. Калі мы самі робім і ўдзельнічаем, вось гэта сапраўды і дзеяньні, і салідарнасьць, і – як раз цяпер – сьвята Божай Маці Вострабрамскай, і ўсё разам. Я вельмі задаволены.”
Напрыканцы шэсьця, а восьмай гадзіне ўдзельнікі прыйдуць да будынку Беларускай амбасады ў Вільні і паставяць 16 запаленых сьвечак каля брамы. Ініцыятары сёньняшняга шэсьця паведамілі, што 16 сьнежня ў Вільні зноў адбудзецца акцыя салідарнасьці.
