Кіраўнік падкамітэту ПАРЭ па Беларусі Андрэс Хэркель завіў нашаму радыё, што ў часе сустрэчы былі абмеркаваныя пытаньні супрацоўніцтва паміж дэлегацыяй Эўрапарлямэнту ў справах Беларусі і падкамітэтам ПАРЭ.
Акрамя гэтага, спадары Кліх і Хэркель абмеркавалі сытуацыю ў Беларусі напярэдадні прэзыдэнцкіх выбараў. Я запытаўся, ці ня ішла гаворка аб магчымым удзеле ў выбарах прадстаўнікоў Эўрапарлямэнту і ПАРЭ ў якасьці назіральнікаў?
(Хэркель: ) “Мы размаўлялі аб тым, як розныя міжнародныя арганізацыі, у тым ліку Эўрапейскі парлямэнт і Парлямэнцкая асамблея Рады Эўропы, маглі б супрацоўнічаць у справе беларускіх выбараў, што адбудуцца летам наступнага году. Тут важнае супрацоўніцтва і з парлямэнцкай асамблеяй АБСЭ. Нядаўна я сустракаўся ў гэтай справе са спадарыняй Утай Цапф, якая займаецца ў гэтай арганізацыі беларускім пытаньнем. Калі вы пытаецеся пра назіраньне, дык мы, натуральна, зацікаўленая, каб адпаведныя правы і свабоды былі гарантаваныя беларусам яшчэ да выбараў. Але пытаньне, ці будуць непасрэдна накіраваныя ад нас назіральнікі, будзе яшчэ абмяркоўвацца. Пакуль яснасьці няма”.
Паводле Андрэса Хэркеля, у дадзены момант Рада Эўропы спрабуе вырашыць праблему назіраньня за выбарамі ў Чачэніі.
(Хэркель: ) “У хуткім часе адбудуцца выбары ў Чачэніі. Там будуць прадстаўнікі Рады Эўропы, але без афіцыйнага статусу назіральнікаў. Канечне, адначасова мы думаем над тым, што зрабіць у выпадку Беларусі. Зразумела, што выбары, гэта шанец пабудаваць дэмакратыю, і мы хацелі б мець дачыненьне да гэтага працэсу”.
Паводле Андрэса Хэркеля ў хуткім часе плянуецца наладзіць сустрэчу ўсіх сяброў дэлегацыі Эўрапейскага парлямэнту ў справах Беларусі і падкамітэту ПАРЭ па Беларусі, дзе, сярод іншага, будзе абмяркоўвацца і пытаньне назіраньня за прэзыдэнцкімі выбарамі.
Акрамя гэтага, спадары Кліх і Хэркель абмеркавалі сытуацыю ў Беларусі напярэдадні прэзыдэнцкіх выбараў. Я запытаўся, ці ня ішла гаворка аб магчымым удзеле ў выбарах прадстаўнікоў Эўрапарлямэнту і ПАРЭ ў якасьці назіральнікаў?
(Хэркель: ) “Мы размаўлялі аб тым, як розныя міжнародныя арганізацыі, у тым ліку Эўрапейскі парлямэнт і Парлямэнцкая асамблея Рады Эўропы, маглі б супрацоўнічаць у справе беларускіх выбараў, што адбудуцца летам наступнага году. Тут важнае супрацоўніцтва і з парлямэнцкай асамблеяй АБСЭ. Нядаўна я сустракаўся ў гэтай справе са спадарыняй Утай Цапф, якая займаецца ў гэтай арганізацыі беларускім пытаньнем. Калі вы пытаецеся пра назіраньне, дык мы, натуральна, зацікаўленая, каб адпаведныя правы і свабоды былі гарантаваныя беларусам яшчэ да выбараў. Але пытаньне, ці будуць непасрэдна накіраваныя ад нас назіральнікі, будзе яшчэ абмяркоўвацца. Пакуль яснасьці няма”.
Паводле Андрэса Хэркеля, у дадзены момант Рада Эўропы спрабуе вырашыць праблему назіраньня за выбарамі ў Чачэніі.
(Хэркель: ) “У хуткім часе адбудуцца выбары ў Чачэніі. Там будуць прадстаўнікі Рады Эўропы, але без афіцыйнага статусу назіральнікаў. Канечне, адначасова мы думаем над тым, што зрабіць у выпадку Беларусі. Зразумела, што выбары, гэта шанец пабудаваць дэмакратыю, і мы хацелі б мець дачыненьне да гэтага працэсу”.
Паводле Андрэса Хэркеля ў хуткім часе плянуецца наладзіць сустрэчу ўсіх сяброў дэлегацыі Эўрапейскага парлямэнту ў справах Беларусі і падкамітэту ПАРЭ па Беларусі, дзе, сярод іншага, будзе абмяркоўвацца і пытаньне назіраньня за прэзыдэнцкімі выбарамі.
