Лінкі ўнівэрсальнага доступу

Намесьнік дзяржсакратара ЗША заклапочаны сытуацыяй у Беларусі


RFE/RL Падчас візыту ў Нямеччыну намесьнік дзяржсакратара ЗША Дэніэл Фрыд заклікаў Злучаныя Штаты і Эўропу спыніць палітычныя рэпрэсіі ў Беларусі.

Паводле Фрыда, гэтыя рэпрэсіі робяцца такімі ж жорсткімі, як у свой час у СССР. Ён заявіў, што будзе абмяркоўваць сытуацыю ў Беларусі падчас сустрэчаў зь нямецкімі грамадзкімі дзеячамі.

Характарызуючы беларускую сытуацыю, Дэніэл Фрыд заявіў, што “гэта трагедыя для беларускага народу. Эўропа і ЗША нясуць адказнасьць і павінны зрабіць усё магчымае, каб дапамагчы гэтай краіне” – заявіў намесьнік дзяржсакратара ЗША.

На мінулым тыдні Эўразьвяз прыгразіў умацаваньнем санкцыяў супраць афіцыйнага Менску, размова ідзе пра пашырэньне сьпісу чыноўнікаў, якім забаронены ўезд у краіны Эўроазьвязу, а таксама замарожваньне іх банкаўскіх рахункаў.
XS
SM
MD
LG