Перад пачаткам паседжаньня Рады міністраў замежных справаў Эўразьвязу чакалася, што аб ніякіх санкцыях супраць Беларусі заяўлена ня будзе. Аднак падкрэсьлівалася, што калі прэзыдэнцкія выбары 2006 году будуць непразрыстыя і несвабодныя, тады сьпіс беларускіх чыноўнікаў, якім забаронены ўезд на тэрыторыю Эўразьвязу, будзе пашыраны.
Прэсавая сакратарка Эўрапейскай камісіі Эма Ўдвін заявіла нашаму карэспандэнту:
(Удвін: ) “Гадзіннае абмеркаваньне ў Радзе міністраў замежных справаў адбівае важнасьць беларускай праблемы для Эўразьвязу. З дыскусіі стане ясна, што мы хочам бачыць у Беларусі напярэдадні выбараў. Роўнае стаўленьне да ўсіх кандыдатаў, станоўчы адказ на магчымасьць місіі міжнародных назіральнікаў ад АБСЭ – гэта некаторыя рэчы, якія мы хацелі б бачыць у працэсе падрыхтоўкі да выбараў”.
Іншы брусэльскі чыноўнік, які згадзіўся гаварыць з нашым карэспандэнтам на ўмовах ананімнасьці, заявіў, што становішча ў Беларусі цяпер зьяўляецца галоўнай зьнешнепалітычнай праблемай Эўразьвязу.
Гэты чыноўнік таксама сказаў, што перамяшчэньне Беларусі на высокае месца ў сьпісе праблемаў Эўразьвязу адбылося дзякуючы брытанскаму старшынёўству ў Зьвязе.
Многія дыпляматы заяўляюць, што ў Эўразьвязе шырацца заклікі прымяніць у дачыненьні Менску больш жорсткі націск. Асабліва настойвае на гэтым Польшча. Аднак пераважае пункт гледжаньня, што з карнымі захадамі трэба пачакаць. Эма Ўдвін заявіла:
(Удвін: ) “Краіны-сябры Зьвязу павінны абмеркаваць, наколькі яны гатовыя да далейшых абмежавальных захадаў, прымаючы пад увагу, што мы заўсёды былі супраць шырокіх эканамічных санкцыяў, якія могуць адбіцца на насельніцтве – а з народам Беларусі ў нас канфлікту няма. Любыя захады хутчэй павінны быць накіраваныя на тых, хто нясе адказнасьць за цяперашняе становішча. Мы спадзяемся, што прычын для жорсткіх санкцыяў ня будзе, і што міжнародныя стандарты будуць паважацца ў Беларусі так, як гэтага заслугоўвае яе народ”.
Да цяперашняй забароны на ўезд у краіны Эўразьвязу Польшча актыўна прапануе дадаць яшчэ пяць асобаў, адказных за перасьлед нацыянальных меншасьцяў у Беларусі, у тым ліку Саюзу палякаў.
Эўразьвяз таксама пераглядзеў мэханізм грашовай дапамогі Беларусі. Пры прыняцьці бюджэту на 2007-2013 гады было вырашана, што большая частка грошай, выдаткаваных на дапамогу Беларусі, будзе выкарыстана на праграмы, якія не патрабуюць кансультацыяў зь цяперашнім беларускім урадам.
Прэсавая сакратарка Эўрапейскай камісіі Эма Ўдвін заявіла нашаму карэспандэнту:
(Удвін: ) “Гадзіннае абмеркаваньне ў Радзе міністраў замежных справаў адбівае важнасьць беларускай праблемы для Эўразьвязу. З дыскусіі стане ясна, што мы хочам бачыць у Беларусі напярэдадні выбараў. Роўнае стаўленьне да ўсіх кандыдатаў, станоўчы адказ на магчымасьць місіі міжнародных назіральнікаў ад АБСЭ – гэта некаторыя рэчы, якія мы хацелі б бачыць у працэсе падрыхтоўкі да выбараў”.
Іншы брусэльскі чыноўнік, які згадзіўся гаварыць з нашым карэспандэнтам на ўмовах ананімнасьці, заявіў, што становішча ў Беларусі цяпер зьяўляецца галоўнай зьнешнепалітычнай праблемай Эўразьвязу.
Гэты чыноўнік таксама сказаў, што перамяшчэньне Беларусі на высокае месца ў сьпісе праблемаў Эўразьвязу адбылося дзякуючы брытанскаму старшынёўству ў Зьвязе.
Многія дыпляматы заяўляюць, што ў Эўразьвязе шырацца заклікі прымяніць у дачыненьні Менску больш жорсткі націск. Асабліва настойвае на гэтым Польшча. Аднак пераважае пункт гледжаньня, што з карнымі захадамі трэба пачакаць. Эма Ўдвін заявіла:
(Удвін: ) “Краіны-сябры Зьвязу павінны абмеркаваць, наколькі яны гатовыя да далейшых абмежавальных захадаў, прымаючы пад увагу, што мы заўсёды былі супраць шырокіх эканамічных санкцыяў, якія могуць адбіцца на насельніцтве – а з народам Беларусі ў нас канфлікту няма. Любыя захады хутчэй павінны быць накіраваныя на тых, хто нясе адказнасьць за цяперашняе становішча. Мы спадзяемся, што прычын для жорсткіх санкцыяў ня будзе, і што міжнародныя стандарты будуць паважацца ў Беларусі так, як гэтага заслугоўвае яе народ”.
Да цяперашняй забароны на ўезд у краіны Эўразьвязу Польшча актыўна прапануе дадаць яшчэ пяць асобаў, адказных за перасьлед нацыянальных меншасьцяў у Беларусі, у тым ліку Саюзу палякаў.
Эўразьвяз таксама пераглядзеў мэханізм грашовай дапамогі Беларусі. Пры прыняцьці бюджэту на 2007-2013 гады было вырашана, што большая частка грошай, выдаткаваных на дапамогу Беларусі, будзе выкарыстана на праграмы, якія не патрабуюць кансультацыяў зь цяперашнім беларускім урадам.
