ПАРЫЖ. Францускія заканадаўцы не прынялі законапраект аб забароне паленьня ў грамадзкіх месцах, барах, рэстарацыях і офісах. Супраць законапраекту выступілі вытворцы й гандляры тытунёвымі вырабамі. Пакуль у Эўразьвязе толькі Ірляндыя, Італія, Нарвэгія й Мальта маюць усебаковыя законы супраць паленьня. У Францыі, дзе паліць траціна насельніцтва, паленьне забаронена ў шмат якіх відах грамадзкага транспарту і ў офісах. У рэстарацыях і барах паліць дазваляецца. Паводле апытаньняў, да 80% французаў падтрымліваюць забарону паленьня ў публічных месцах.