Амбасадар Польшчы ў Беларусі Тадэвуш Паўляк, як і ўсе ягоныя папярэднікі на гэтай пасадзе, штогод 1 лістапада ў Дзень усіх сьвятых наведвае ўрочышча Курапаты. Амбасадар запальвае сьвечку і ўскладае букет зь белых і чырвоных кветак ля "Польскага крыжа", усталяванага ў Курапатах больш за дзесяць гадоў таму аб’яднаньнем “Стража польскіх магілаў”.
(Паўляк: ) “У гэтае жахлівае месца, у Курапаты, мы заўсёды прыяжджаем 1 лістапада, каб ушанаваць памяць нявінных ахвяраў таталітарнага сталінскага рэжыму. Гэта наш абавязак схіліць галаву перад імі і захаваць памяць пра іх. Яны загінулі напачатку 20-га стагодзьдзя, і мы павінны памятаць пра гэтыя злачынствы Сталіна і яго нечалавечнага рэжыму. Павінны памятаць, каб гэта ніколі не паўтарылася ў нашай гісторыі. А тут сярод ахвяраў былі пахаваныя палякі, такім чынам мы тут шануем памяць нашый суайчыньнікаў, але ня толькі іх, але і беларусаў, расейцаў, якія тут загінулі”.
Начальнік консульскага аддзелу польскай амбасады Кшыштаф Сьвідэрэк нядаўна прыехаў у Беларусь і сёньня ўпершыню трапіў у Курапаты.
(Сьвідэрэк: ) “Сёньняшні дзень для мяне – своеасаблівы, паколькі я тут упершыню. Я многа чытаў пра Курапаты, але цяпер я ўпершыню на гэтай вялізарнай магіле, адчуваецца кроў на гэтай зямлі. Нават складана знайсьці словы, каб выказаць тое, што я адчуваю, і я хацеў бы ў гэты момант памаўчаць і падумаць пра тых людзей, якія аддалі сваё жыцьцё на гэтай зямлі”.
Сёньня ў Курапатах запаліў сьвечку па нявінных ахвярах і ваенны аташэ польскай амбасады палкоўнік Марэк Шыманьскі.
(Шыманьскі: ) “Мы шануем усе месцы, дзе нашыя афіцэры і вайскоўцы пахаваныя. Наведваем гэтыя месцы, імкнемся, каб усе людзі памяталі, што яны загінулі за свабоду, за чалавецтва, і ня толькі за радзіму, але і за шчасьце ўсіх людзей, якім трэба гарантаваць мір і свабоду. Я думаю, што ўсім трэба паказваць такія месцы”.
У Курапатах ёсьць некалькі крыжоў з імяннымі таблічкамі па паляках – Багуславу Вэнжыку і Вацлаву Сапочку. На курапацкім пагорку ля крыжоў гэтаксама ляжаць вянкі ад палякаў – удзельнікаў сёлетняга аўтапрабегу. Пасьля ўрочышча Курапаты супрацоўнікі польскай амбасады накіраваліся на Кальварыйскія могілкі ўшанаваць памяць пахаваных там палякаў і ўзяць удзел у імшы. У гэтыя дні супрацоўнікі польскай амбасады наведваюць польскія магілы па ўсёй Беларусі. Кіраўнік консульскага аддзелу Кшыштаф Сьвідэрэк ужо пабываў на могілках у Ракаве, Івянцу, Крывічах, Налібоках, Глыбокім ды іншых мясьцінах Беларусі.
Начальнік консульскага аддзелу польскай амбасады Кшыштаф Сьвідэрэк нядаўна прыехаў у Беларусь і сёньня ўпершыню трапіў у Курапаты.
(Сьвідэрэк: ) “Сёньняшні дзень для мяне – своеасаблівы, паколькі я тут упершыню. Я многа чытаў пра Курапаты, але цяпер я ўпершыню на гэтай вялізарнай магіле, адчуваецца кроў на гэтай зямлі. Нават складана знайсьці словы, каб выказаць тое, што я адчуваю, і я хацеў бы ў гэты момант памаўчаць і падумаць пра тых людзей, якія аддалі сваё жыцьцё на гэтай зямлі”.
Сёньня ў Курапатах запаліў сьвечку па нявінных ахвярах і ваенны аташэ польскай амбасады палкоўнік Марэк Шыманьскі.
(Шыманьскі: ) “Мы шануем усе месцы, дзе нашыя афіцэры і вайскоўцы пахаваныя. Наведваем гэтыя месцы, імкнемся, каб усе людзі памяталі, што яны загінулі за свабоду, за чалавецтва, і ня толькі за радзіму, але і за шчасьце ўсіх людзей, якім трэба гарантаваць мір і свабоду. Я думаю, што ўсім трэба паказваць такія месцы”.
У Курапатах ёсьць некалькі крыжоў з імяннымі таблічкамі па паляках – Багуславу Вэнжыку і Вацлаву Сапочку. На курапацкім пагорку ля крыжоў гэтаксама ляжаць вянкі ад палякаў – удзельнікаў сёлетняга аўтапрабегу. Пасьля ўрочышча Курапаты супрацоўнікі польскай амбасады накіраваліся на Кальварыйскія могілкі ўшанаваць памяць пахаваных там палякаў і ўзяць удзел у імшы. У гэтыя дні супрацоўнікі польскай амбасады наведваюць польскія магілы па ўсёй Беларусі. Кіраўнік консульскага аддзелу Кшыштаф Сьвідэрэк ужо пабываў на могілках у Ракаве, Івянцу, Крывічах, Налібоках, Глыбокім ды іншых мясьцінах Беларусі.
