Да пачатку вайсковых дзеяньняў у Іраку штогадовыя пастаўкі беларускіх тавараў у гэтую краіну складалі 60-70 мільёнаў даляраў на год.
Паводле зьвестак МЗС Беларусі, за 1999–2003 гады ў рамках праграмы ААН “Нафта ў абмен на харчаваньне” ў Ірак было экспартавана беларускіх тавараў на 200 мільёнаў даляраў.
Беларусь пастаўляла ў Ірак свае аўтамабілі й трактары, мэталапракат, прадукцыю хімічнай прамысловасьці, ажыцьцяўляла шэраг інвэстыцыйных праектаў.
Акрамя таго, афіцыйны Менск увесь час падазравалі ў продажы ўзбраеньняў рэжыму Садама Хусэйна. Былы інспэктар ААН па раззбраеньні Іраку Чарлз Долфэр ацаніў даходы Беларусі ад нелегальных паставак зброі Іраку ў 114 мільёнаў даляраў. Афіцыйны Менск гэтага ніколі не прызнаваў.
Зь вясны 2003 году, калі войскі ЗША ўвайшлі ў Ірак, гандаль Беларусі з гэтай краінай пачаў імкліва зьніжацца. Гаворыць афіцыйны прадстаўнік МЗС Беларусі Марыя Ваньшына:
(Ваньшына: ) “Гандлёва-эканамічныя апэрацыі складаліся галоўным чынам з дадатковых раней паставак запасных частак да трактараў і аўтамабіляў, прададзеных у рамках праграмы ААН “Нафта ў абмен на харчаваньне” і насілі фрагмэнтарны характар”.
Паводле МЗС Беларусі, сёлета пастаўкі беларускай прадукцыі ў Ірак практычна не ажыцьцяўляліся. Аднак Беларусь зацікаўленая ў аднаўленьні ўзаемавыгаднага гандлю з Іракам, паведаміла Марыя Ваньшына. Сёлета Менскам былі адноўленыя кантакты з Гандлёва-прамысловай палатай Багдаду.
(Ваньшына: ) “З улікам складанай унутрыпалітычнай сытуацыі ў Іраку цяпер беларускім бокам вывучаюцца варыянты гандлёва-эканамічнага супрацоўніцтва з Іракам праз трэція краіны”.
Паводле зьвестак МЗС Беларусі, за 1999–2003 гады ў рамках праграмы ААН “Нафта ў абмен на харчаваньне” ў Ірак было экспартавана беларускіх тавараў на 200 мільёнаў даляраў.
Беларусь пастаўляла ў Ірак свае аўтамабілі й трактары, мэталапракат, прадукцыю хімічнай прамысловасьці, ажыцьцяўляла шэраг інвэстыцыйных праектаў.
Акрамя таго, афіцыйны Менск увесь час падазравалі ў продажы ўзбраеньняў рэжыму Садама Хусэйна. Былы інспэктар ААН па раззбраеньні Іраку Чарлз Долфэр ацаніў даходы Беларусі ад нелегальных паставак зброі Іраку ў 114 мільёнаў даляраў. Афіцыйны Менск гэтага ніколі не прызнаваў.
Зь вясны 2003 году, калі войскі ЗША ўвайшлі ў Ірак, гандаль Беларусі з гэтай краінай пачаў імкліва зьніжацца. Гаворыць афіцыйны прадстаўнік МЗС Беларусі Марыя Ваньшына:
(Ваньшына: ) “Гандлёва-эканамічныя апэрацыі складаліся галоўным чынам з дадатковых раней паставак запасных частак да трактараў і аўтамабіляў, прададзеных у рамках праграмы ААН “Нафта ў абмен на харчаваньне” і насілі фрагмэнтарны характар”.
Паводле МЗС Беларусі, сёлета пастаўкі беларускай прадукцыі ў Ірак практычна не ажыцьцяўляліся. Аднак Беларусь зацікаўленая ў аднаўленьні ўзаемавыгаднага гандлю з Іракам, паведаміла Марыя Ваньшына. Сёлета Менскам былі адноўленыя кантакты з Гандлёва-прамысловай палатай Багдаду.
(Ваньшына: ) “З улікам складанай унутрыпалітычнай сытуацыі ў Іраку цяпер беларускім бокам вывучаюцца варыянты гандлёва-эканамічнага супрацоўніцтва з Іракам праз трэція краіны”.