ІСТАМБУЛ: Магутны землятрус сілай амаль 6 балаў на шкале Рыхтэра адбыўся сёньня ў заходняй частцы Турцыі. Губэрнатар правінцыі Ізмір Огуз Каган Каксаль паведаміў, што як мінімум 15 чалавек былі шпіталізаваныя з сымптомамі інфарктаў выкліканых панікай. Пра іншыя ахвяры і шкоды пакуль не паведамляецца, аднак з меркаваньняў бясьпекі зачыненыя ўсе школы ў раёне. Паводле сэйсмолягаў, эпіцэнтар землятрусу выпаў пад дном Эгэйскага мора недалёка ад гораду Сафэрыгісар ў правінцыі Ізмір.