Прэм’ер-міністар Сяргей Сідорскі імкнуўся падаць сацыяльна-эканамічную сытуацыю ў Беларусі ў найлепшым выглядзе. Ён зазначыў, што эканоміка Беларусі дынамічна разьвіваецца, рост прамысловасьці складае болей за 10 адсоткаў, сярэдні заробак да канца года дасягне 230–250 даляраў, пэнсіі – болей за 120 даляраў.
Асаблівы акцэнт спадар Сідорскі зрабіў на пераўтварэньнях у вёсцы, паведаміў пра 1400 аграгарадкоў, якія будуць пабудаваныя за 5 гадоў ды максымальна наблізяць жыцьцё вяскоўцаў да гарадзкіх умоваў.
(Сідорскі: ) “Мы сёньня кожны год у кожнай беларускай вёсцы, там дзе ёсьць вытворчасьць, уводзім па пяць дамоў бясплатна. Гэта праграма прэзыдэнта, якая дае нам магчымасьць прыцягваць маладых спэцыялістаў пасьля інстытуту”.
Вядомы беларускі спэцыяліст у сельскай гаспадарцы Аляксандар Ярашук кажа, што тут Сяргей Сідорскі перабольшыў – па 5 новых дамоў будуюцца не ў кожнай вёсцы, а ў цэнтрах калгасаў – і не бясплатна, а ў тым ліку за кошт гаспадарак, прытым выклікаюць нараканьні якасьць будаўнічых работ і пазьнейшае выкарыстаньне гэтых дамкоў.
(Ярашук: ) “Бясплатны сыр толькі ў мышалоўцы, і ў дадзеным выпадку гэта яскравае сьведчаньне недзяржаўнага падыходу да выкарыстаньня дзяржаўных сродкаў”.
Але куды большае зьдзіўленьне спадара Ярашука выклікала заява Сяргея Сідорскага пра адсутнасьць імпартнай тэхнікі на беларускіх палетках:
(Сідорскі: ) “Мы сёньня ганарымся тым, (і гатовыя гэта прадставіць і Ўкраіне), што ў нас ўся беларуская тэхніка, цалкам, у поўным аб’ёме на нашых палях: трактары, камбайны, кормаўборачныя камбайны, энэрганасычаныя сродкі, плугі і ўся астатняя тэхніка – гэта беларускай вытворчасьці”.
Аляксандар Ярашук з гэтай нагоды прыгадвае, як асабіста А.Лукашэнка быў вымушаны неадкладна рэагаваць на тое, што беларускія гаспадаркі купляюць замежныя камбайны.
(Ярашук: ) “Гэта зусім не адпавядае рэчаіснасьці. Навошта спадар Сідорскі такую заяву рабіў перад тварам тэлегледачоў? Па-першае, нямала імпартнай сельскагаспадарчай тэхнікі ў гаспадарках Размова ідзе перш за ўсё пра эфэктыўныя, эканамічна моцныя гаспадаркі, якія (я магу гэта адказна засьведчыць), аддаюць перавагу імпартнай тэхніцы.”
Высокаэфэктыўных імпартных камбайнаў і трактароў нямала на беларускіх палетках, яны пераўзыходзяць беларускія аналягі па надзейнасьці. Беларускія і расейскія камбайны проста няздольныя без страт сабраць збожжа з высокаўраджайных палеткаў.
Асаблівы акцэнт спадар Сідорскі зрабіў на пераўтварэньнях у вёсцы, паведаміў пра 1400 аграгарадкоў, якія будуць пабудаваныя за 5 гадоў ды максымальна наблізяць жыцьцё вяскоўцаў да гарадзкіх умоваў.
(Сідорскі: ) “Мы сёньня кожны год у кожнай беларускай вёсцы, там дзе ёсьць вытворчасьць, уводзім па пяць дамоў бясплатна. Гэта праграма прэзыдэнта, якая дае нам магчымасьць прыцягваць маладых спэцыялістаў пасьля інстытуту”.
Вядомы беларускі спэцыяліст у сельскай гаспадарцы Аляксандар Ярашук кажа, што тут Сяргей Сідорскі перабольшыў – па 5 новых дамоў будуюцца не ў кожнай вёсцы, а ў цэнтрах калгасаў – і не бясплатна, а ў тым ліку за кошт гаспадарак, прытым выклікаюць нараканьні якасьць будаўнічых работ і пазьнейшае выкарыстаньне гэтых дамкоў.
(Ярашук: ) “Бясплатны сыр толькі ў мышалоўцы, і ў дадзеным выпадку гэта яскравае сьведчаньне недзяржаўнага падыходу да выкарыстаньня дзяржаўных сродкаў”.
Але куды большае зьдзіўленьне спадара Ярашука выклікала заява Сяргея Сідорскага пра адсутнасьць імпартнай тэхнікі на беларускіх палетках:
(Сідорскі: ) “Мы сёньня ганарымся тым, (і гатовыя гэта прадставіць і Ўкраіне), што ў нас ўся беларуская тэхніка, цалкам, у поўным аб’ёме на нашых палях: трактары, камбайны, кормаўборачныя камбайны, энэрганасычаныя сродкі, плугі і ўся астатняя тэхніка – гэта беларускай вытворчасьці”.
Аляксандар Ярашук з гэтай нагоды прыгадвае, як асабіста А.Лукашэнка быў вымушаны неадкладна рэагаваць на тое, што беларускія гаспадаркі купляюць замежныя камбайны.
(Ярашук: ) “Гэта зусім не адпавядае рэчаіснасьці. Навошта спадар Сідорскі такую заяву рабіў перад тварам тэлегледачоў? Па-першае, нямала імпартнай сельскагаспадарчай тэхнікі ў гаспадарках Размова ідзе перш за ўсё пра эфэктыўныя, эканамічна моцныя гаспадаркі, якія (я магу гэта адказна засьведчыць), аддаюць перавагу імпартнай тэхніцы.”
Высокаэфэктыўных імпартных камбайнаў і трактароў нямала на беларускіх палетках, яны пераўзыходзяць беларускія аналягі па надзейнасьці. Беларускія і расейскія камбайны проста няздольныя без страт сабраць збожжа з высокаўраджайных палеткаў.
