ІСЛАМАБАД. Паводле апошніх афіцыйных дадзеных, ахвярамі катастрафічнага землятрусу ў Пакістане 8 кастрычніка сталі 48 тысяч чалавек, параненыя 67 тысяч. Гэтыя дадзеныя не канчатковыя, і колькасьць ахвяраў будзе расьці. Сёньня раніцай на поўначы Пакістану зноў адбыліся моцныя падземныя штуршкі. Пацярпелых няма, але з гор сышлі апоўзьні, якія яшчэ болей абцяжараць дастаўку дапамогі сотням тысячам людзей, што засталіся без жытла, харчаваньня, вады, мэдыкамэнтаў.