“Літоўскі прэм’ер апошнім часам мае сур’ёзныя праблемы. Напачатку апазыцыя абвінаваціла яго ў падтрымцы расейскай кампаніі “Лукойл”, а цяпер Бразаўскас сустракаецца з высокапастаўленым прадстаўніком беларускага рэжыму... У часе адкрыцьця беларускай гандлёвай выставы, якая была ўпрыгожаная вялізным партрэтам Аляксандра Лукашэнкі з усьмешкай на твары кіраўнікі ўрадаў у добрым настроі абмяркоўвалі пляны будучага гандлёвага супрацоўніцтва”, – адзначае польскі штодзёньнік і піша далей, што літоўская апазыцыя лічыць, што Вільня павінна паводзіць сябе вельмі асьяцрожна ў дачыненьнях зь Менскам.
“У такіх пытаньнях ня можа быць імправізацыяў. Краіны Эўразьвязу, што тычыцца дачыненьняў і з Расеяй і зь Беларусьсю, павінны мець супольную палітыку.”, – заявіў лідэр апазыцыйнай літоўскай кансэрватыўнай партыі Андрыюс Кубіліус.
“Rzeczpospolita” нагадвае, што Літва зацікаўленая перадусім у тым, каб Беларусь карысталася портам у Клайпедзе і акрэсьлівае сваю палітыку ў дачыненьнях зь Беларусьсю як “палітыку карыснага дыялёгу”, перадусім у справах эканамічнага супрацоўніцтва.
“У такіх пытаньнях ня можа быць імправізацыяў. Краіны Эўразьвязу, што тычыцца дачыненьняў і з Расеяй і зь Беларусьсю, павінны мець супольную палітыку.”, – заявіў лідэр апазыцыйнай літоўскай кансэрватыўнай партыі Андрыюс Кубіліус.
“Rzeczpospolita” нагадвае, што Літва зацікаўленая перадусім у тым, каб Беларусь карысталася портам у Клайпедзе і акрэсьлівае сваю палітыку ў дачыненьнях зь Беларусьсю як “палітыку карыснага дыялёгу”, перадусім у справах эканамічнага супрацоўніцтва.