Лінкі ўнівэрсальнага доступу

“Жыцьцё для народа” “завісла” у Міністэрстве інфармацыі (анонс)


Ігар Карней, Менск Супрацоўнік літаратурнага музэю Якуба Коласа Мікола Жыгоцкі, які апошнім часам “спэцыялізуецца” на напісаньні кнігаў пра Аляксандра Лукашэнку, лічыць, што Міністэрства інфармацыі неабгрунтавана марудзіць узгадненьне чарговай кнігі з “прэзыдэнцкай” сэрыі пад назвай “Жыцьцё для народа”.

У канцы 1990-х Мікола Жыгоцкі ўжо выдаў аналягічны твор, які ўхваліў асабіста Аляксандар Лукашэнка, пра што сьведчыць і адпаведны надпіс галоўнага героя дакумэнтальнага аповеду на сыгнальным экзэмпляры. Сам спадар Жыгоцкі лічыць, што міністэрскіх чыноўнікаў палохае сфэра, у якую ён у сваіх дасьледаваньнях “уклініўся”. Каб “ачалавечыць” галоўнага героя, аўтар сустрэўся са сваякамі, жонкай, сябрамі Лукашэнкі, і цяпер зьбіраецца расказаць пра ўражаньні ад сустрэч на старонках ілюстраванага выданьня. Канчатковы адказ з Міністэрства інфармацыі спадар Жыгоцкі мусіў атрымаць яшчэ 20 верасьня, аднак ніякіх зрухаў у падрыхтоўцы кнігі няма дагэтуль. У выдавецтве “Мастацкая літаратура”, дзе мусіць быць разьмешчаная дзяржаўная замова на кнігу, ад камэнтароў гэтаксама устрымліваюцца. Па маральную дапамогу аўтар зьбіраецца ў прэзыдэнцкую адміністрацыю, дзе гэты твор ужо ўхвалілі.
XS
SM
MD
LG