Лінкі ўнівэрсальнага доступу

“Каго, акрамя Лукашэнкі, бачаць людзі лідэрам новай Беларусі?”


Алесь Дашчынскі, Менск Апытаньне на вуліцах сталіцы

(Спадарыня: ) “Мяне задавальняе Лукашэнка. Няхай сабе прадаўжае працаваць”.

(Кабета: ) “Астатнія непараўнальныя з Лукашэнкам. У яго харызма такая, лепш за яго не знайсьці”. (Кабета: ) “Ён на сваім месцы і дзякуючы яму ўсё ж у нас спакой, мір і хоць нейкі дабрабыт, параўнальна з іншымі”.

(Дзяўчына: ) “Не ведаю ніводнага кандыдата, дастойнага няма”.

(Спадар: ) “Я не бачу кандыдатур. Ніводнай”.

(Дзяўчына: ) “Я нікога больш не ведаю з іншых палітыкаў”.

(Спадар: ) “Не бачу асобы, якая можа ўзначаліць”.

(Юнак: ) “Тут жа няма з каго выбіраць. Усюды Лукашэнка. Астатніх ён падавіў, наагул не вылазяць ніадкуль”.

(Юнак : ) “Кагосьці незалежнага ад іншых. Ад таго ж Захаду. Свайго беларускага чалавека, які б быў чысты і крыштальны. Але ж такіх я пакуль ня ведаю”.

(Спадарыня: ) “Канечне, разумнага трэба знайсьці чалавека, які змог бы нашу краіну вывесьці ў людзі і абараніць нас, наш народ ад усялякай дрэннай сытуацыі. Каго, дык я ня ведаю”.

(Спадар: ) “Проста чуў, што ёсьць палітыкі, якія прэтэндуюць на ролю прэзыдэнта, але я проста не запомніў”.

(Спадарыня: ) “Шушкевіч ні ў якім разе. БНФ-аўцаў ня ведаю нікога. Таму нават кандыдата ў мяне няма”.

(Дзяўчына: ) “Мне Лукашэнка не падабаецца. А іншых кандыдатаў я таксама ня ведаю”.

(Спадар : ) “Я супраць Лукашэнкі, але я ня ведаю, хто наагул мог быць. Проста няма інфармацыі”.

(Спадар : ) “Нічому не веру наагул. Практычна я ўжо 5 гадоў не хаджу на выбары”.

(Спадар : ) “Па-мойму кангрэс адбыўся. Так? І там кагосьці выбралі. Вось больш верагодна галасаваць за таго, за каго дамовіліся БНФ, апазыцыя , усе там. Я не памятаю прозьвішча…”

(Карэспандэнт: ) ”Аляксандар Мілінкевіч”.

(Спадар : ) “Так, Мілінкевіч. Значыць – за яго”.

(Спадар : ) “Цяжка зараз сказаць. Быццам, выбралі нейкага кандыдата ад апазыцыі. У прынцыпе людзі, якія даўно працуюць за дэмакратыю ў Беларусі”.

(Кабета: ) “Вельмі мала ведаю кандыдатаў, якія будуць балятавацца. Чалавек чалавечны павінен быць, які будзе прыслухоўвацца да людзей”.

(Дзяўчына: ) “ Ну, ва ўсякім разе не Аляксандра Рыгоравіча”.
XS
SM
MD
LG