Сям’я Лапіцкіх атрымала копію ліста Міністэрства адукацыі, накіраванага ў Жодзінскі гарвыканкам. Як паведаміў бацька Янкі Аляксей Лапіцкі, у гэтым лісьце намесьнік міністра адукацыі Казімір Фарыно просіць жодзінскіх чыноўнікаў прыняць неабходныя меры, каб забясьпечыць канстытуцыйныя правы Янкі Лапіцкага і яго бацькоў на атрыманьне іх сынам адукацыі на беларускай мове.
(Лапіцкі: ) “У гэтай сувязі сёньня тэлефанаваў кіраўнік Жодзінскага аддзелу адукацыі Горыд і ўдакладняў нашы патрабаваньні. Я нагадаў яму, што патрабаваньні адны і тыя ж ужо больш як год і адзін месяц. Мы патрабуем аднаўленьня і адкрыцьця беларускамоўнай клясы. Каб зь дзецьмі альбо з дзіцёнкам займаліся па адпаведнай праграме настаўнікі па ўсіх прадметах па-беларуску. Ён удакладняў гэта. Казаў, што, можа, хай будзе самаадукацыя, на хаце. А я яму зноў нагадаў, што самаадукацыя робіцца па заяве бацькоў. Мы адмаўляліся ад такога варыянту. Бо гэта фактычна сьвядомае адмаўленьне ад права на бясплатную агульную сярэднюю адукацыю, якая фінансуецца і гарантавана Канстытуцыяй Беларусі кожнаму грамадзяніну Беларусі”.
Паводле Аляксея Лапіцкага, цяперашняя ініцыятыва Міністэрства адукацыі ўрэгуляваць канфлікт у Жодзіне стала наступствам афіцыйнага ліста сям’і Лапіцкіх, які яны накіравалі нядаўна міністру адукацыі Аляксандру Радзькову. У сваім лісьце Лапіцкія паскардзіліся, што зь 2004 году з-за рашэньняў мясцовай улады яны пазбаўленыя “элемэнтарнага права” на атрыманьне сынам абавязковай і бясплатнай адукацыі на роднай мове, якая ёсьць дзяржаўнаю моваю ў Беларусі. За год прымусовага, як лічаць Лапіцкія, пазбаўленьня Янкі магчымасьці навучацца па-беларуску, яны ў Жодзіне не дачакаліся ад мясцовага аддзелу адукацыі вырашэньня іх пытаньня. Больш таго, з боку мясцовых чыноўнікаў ідзе псыхалягічны ціск, яны прымушаюць сям’ю Лапіцкіх прыняць значна пагоршаныя ўмовы працягу адукацыі. Лапіцкія выказалі ў лісьце да міністра “рашучы пратэст” дыскрымінацыйным, на іх думку, дзеяньням жодзінскага аддзелу адукацыі.
Як паведаміў Аляксей Лапіцкі, жодзінскія ўлады зьбіраюцца адрэагаваць на зварот Міністэрства адукацыі.
(Лапіцкі: ) “Фігуруе слова “просіць”. Не патрабуе, хаця ў тэлефанаваньні Горыда гэта гучала па-іншаму. Ня “просяць”, а “зьвярнуліся да нас, каб мы прынялі адпаведныя меры”. Пытаньне будзе разглядацца на паседжаньні гарвыканкама. Будзем глядзець, што яны там вызначаць”.
(Лапіцкі: ) “У гэтай сувязі сёньня тэлефанаваў кіраўнік Жодзінскага аддзелу адукацыі Горыд і ўдакладняў нашы патрабаваньні. Я нагадаў яму, што патрабаваньні адны і тыя ж ужо больш як год і адзін месяц. Мы патрабуем аднаўленьня і адкрыцьця беларускамоўнай клясы. Каб зь дзецьмі альбо з дзіцёнкам займаліся па адпаведнай праграме настаўнікі па ўсіх прадметах па-беларуску. Ён удакладняў гэта. Казаў, што, можа, хай будзе самаадукацыя, на хаце. А я яму зноў нагадаў, што самаадукацыя робіцца па заяве бацькоў. Мы адмаўляліся ад такога варыянту. Бо гэта фактычна сьвядомае адмаўленьне ад права на бясплатную агульную сярэднюю адукацыю, якая фінансуецца і гарантавана Канстытуцыяй Беларусі кожнаму грамадзяніну Беларусі”.
Паводле Аляксея Лапіцкага, цяперашняя ініцыятыва Міністэрства адукацыі ўрэгуляваць канфлікт у Жодзіне стала наступствам афіцыйнага ліста сям’і Лапіцкіх, які яны накіравалі нядаўна міністру адукацыі Аляксандру Радзькову. У сваім лісьце Лапіцкія паскардзіліся, што зь 2004 году з-за рашэньняў мясцовай улады яны пазбаўленыя “элемэнтарнага права” на атрыманьне сынам абавязковай і бясплатнай адукацыі на роднай мове, якая ёсьць дзяржаўнаю моваю ў Беларусі. За год прымусовага, як лічаць Лапіцкія, пазбаўленьня Янкі магчымасьці навучацца па-беларуску, яны ў Жодзіне не дачакаліся ад мясцовага аддзелу адукацыі вырашэньня іх пытаньня. Больш таго, з боку мясцовых чыноўнікаў ідзе псыхалягічны ціск, яны прымушаюць сям’ю Лапіцкіх прыняць значна пагоршаныя ўмовы працягу адукацыі. Лапіцкія выказалі ў лісьце да міністра “рашучы пратэст” дыскрымінацыйным, на іх думку, дзеяньням жодзінскага аддзелу адукацыі.
Як паведаміў Аляксей Лапіцкі, жодзінскія ўлады зьбіраюцца адрэагаваць на зварот Міністэрства адукацыі.
(Лапіцкі: ) “Фігуруе слова “просіць”. Не патрабуе, хаця ў тэлефанаваньні Горыда гэта гучала па-іншаму. Ня “просяць”, а “зьвярнуліся да нас, каб мы прынялі адпаведныя меры”. Пытаньне будзе разглядацца на паседжаньні гарвыканкама. Будзем глядзець, што яны там вызначаць”.