КАБУЛ. У Аўганістане працягваюцца масавыя маніфэстацыі з патрабаваньнем пакараць забойцаў вядомага кандыдата ў дэпутаты парлямэнту. Хваляваньні пачаліся на поўначы краіны, у сталіцы правінцыі Балк, дзе быў забіты кандыдат. Сёньня масавая дэманстрацыя прайшла ў Кабуле. Сёньня ж міністэрства абароны Аўганістану паведаміла, што падчас двухдзённых баёў з талібамі на поўдні і паўднёвым усходзе краіны былі забітыя 65 баевікоў.