КІЕЎ. Прэзыдэнт Украіны Віктар Юшчанка загадаў правесьці расьсьледаваньне замаху на журналіста, які нібыта рыхтаваў фотарэпартаж аб прэзыдэнтавым сыне. Юшчанка папрасіў міністра ўнутраных справаў Юрыя Луцэнку ўзяць сьледзтва ў гэтай справе пад асабісты кантроль. У пятніцу ў Кіеве ў аўтамабілі Валіда Арфуша, рэдактара бульварнага выданьня “Папарацы”, выбухнула самаробная бомба. Арфуш рыхтаваў фотарэпартаж з адпачынку сына Юшчанкі Андрэя і ягонай сяброўкі.