ВІЛЬНЯ. Летувіскія ўлады адправілі ў адстаўку камандуючага вайсковымі паветранымі сіламі краіны Ёнаса Марцінкуса за незаконныя тэлефонныя перамовы з кіраўніцтвам расейскіх паветраных сілаў. Генэрал-маёр Валдас Туткус абвясьціў, што Марцінкус вёў несанкцыянаваныя перамовы ў справе расейскага зьнішчальніка СУ-27, які парушыў паветраную прастору Летувы і пацярпеў аварыю раней у гэтым месяцы.