Сутычка паміж брытанскімі сіламі й ірацкай паліцыяй пачалася ў панядзелак з арышту двух брытанскіх жаўнераў. Ірацкая паліцыя заявіла, што брытанцы былі затрыманыя, бо яны адмовіліся спыніцца ля кантрольнага пункту і пачалі страляць.
Брытанцы былі апранутыя ў традыцыйную арабскую вопратку і, як цьвердзяць ірацкія паліцэйскія чыноўнікі, выконвалі нейкую сакрэтную місію, паведаміць пра мэты якой яны адмовіліся. Прадстаўнікі брытанскага камандаваньня запатрабавала вызваліць сваіх тайных агентаў, а ірацкая паліцыя ў адказ праз гукаўзмацняльнікі сваіх аўтамабіляў паклікала людзей на вуліцы. Пачаліся беспарадкі.
Драма разьвязалася ў панядзелак увечары, калі з дапамогаю танкаў адбыўся штурм вязьніцы, і брытанцы былі вызваленыя. Пры гэтым, паводле дадзеных брытанскага міністэрства абароны, тры жаўнеры, што знаходзіліся ў танках, былі параненыя.
Аналітыкі зьвяртаюць увагу, што сутычкі паміж брытанцамі й іракцамі пачаліся яшчэ ў нядзелю пасьля таго, як брытанскія жаўнеры арыштавалі аднаго з кіраўнікоў шыіцкай групоўкі “Войска Махдзі”. Мустафа Аляні, рэгіянальны экспэрт дасьледчага цэнтру ў Дубаі, кажа, што апошнія падзеі ў Басры ёсьць часткай барацьбы за кантроль над горадам паміж брытанскімі сіламі і шыіцкімі ваярамі.
(Аляні: ) “Цягам апошніх двух гадоў Басру кантралявалі шыіцкія ваеўнікі. Там дзейнічаюць дзьве галоўныя групоўкі – Войска Махдзі і сілы Вярхоўнай рады Ісламісцкай рэвалюцыі, якую падтрымлівае Іран. Лічыцца, што брытанскія сілы кантралююць Басру. На самой справе, яны даўно згубілі гэты кантроль. І ў вырашэньні любога з пытаньняў, ці адміністрацыйнага, ці эканамічнага, рашаючы голас застаецца за баевікамі”.
Аналітык дадае, што паліцыя Басры сфармаваная з прыхільнікаў абедзьвюх групоўкі, і па вуліцах у паліцэйскай форме ходзяць баевікі. Гэтак жа і цывільная ўлада зьвязаная з баевікамі. У горадзе тры ўзроўні змаганьня. Першы – гэта барацьба за ўладу паміж дзьвюма шыіцкімі радыкальнымі групоўкамі. І таму ў горадзе рэгулярна адбываюцца перастрэлкі. Другі ўзровень – гэта этнічныя чысткі сунітаў ці хрысьціянаў. І нарэшце– сутычкі паміж Войскам Махдзі і брытанцамі, якія робяць спробы кантраляваць сытуацыю.
Падзеі апошніх дзён паднялі ў Вялікай Брытаніі новую хвалю абмеркаваньня пытаньняў, зьвязаных з вайной у Іраку. Брытанцы маюць у шчыльна населеным паўдзённым рэгіёне меней як 9 тысячаў жаўнераў. Гэтага, відавочна, недастаткова, каб змагацца з баевікамі ўзброеным шляхам. Аналітыкі кажуць, што Лёндан павінен вырашыць, ці працягваць з ісламістамі дыялёг у дыпляматычнай форме, як гэта рабілі раней, ці павялічваць свае ўзброеныя падразьдзяленьні. Але пакуль прагноз назіральнікаў маласуцяшальны – канфрантацыя будзе нарастаць.
Брытанцы былі апранутыя ў традыцыйную арабскую вопратку і, як цьвердзяць ірацкія паліцэйскія чыноўнікі, выконвалі нейкую сакрэтную місію, паведаміць пра мэты якой яны адмовіліся. Прадстаўнікі брытанскага камандаваньня запатрабавала вызваліць сваіх тайных агентаў, а ірацкая паліцыя ў адказ праз гукаўзмацняльнікі сваіх аўтамабіляў паклікала людзей на вуліцы. Пачаліся беспарадкі.
Драма разьвязалася ў панядзелак увечары, калі з дапамогаю танкаў адбыўся штурм вязьніцы, і брытанцы былі вызваленыя. Пры гэтым, паводле дадзеных брытанскага міністэрства абароны, тры жаўнеры, што знаходзіліся ў танках, былі параненыя.
Аналітыкі зьвяртаюць увагу, што сутычкі паміж брытанцамі й іракцамі пачаліся яшчэ ў нядзелю пасьля таго, як брытанскія жаўнеры арыштавалі аднаго з кіраўнікоў шыіцкай групоўкі “Войска Махдзі”. Мустафа Аляні, рэгіянальны экспэрт дасьледчага цэнтру ў Дубаі, кажа, што апошнія падзеі ў Басры ёсьць часткай барацьбы за кантроль над горадам паміж брытанскімі сіламі і шыіцкімі ваярамі.
(Аляні: ) “Цягам апошніх двух гадоў Басру кантралявалі шыіцкія ваеўнікі. Там дзейнічаюць дзьве галоўныя групоўкі – Войска Махдзі і сілы Вярхоўнай рады Ісламісцкай рэвалюцыі, якую падтрымлівае Іран. Лічыцца, што брытанскія сілы кантралююць Басру. На самой справе, яны даўно згубілі гэты кантроль. І ў вырашэньні любога з пытаньняў, ці адміністрацыйнага, ці эканамічнага, рашаючы голас застаецца за баевікамі”.
Аналітык дадае, што паліцыя Басры сфармаваная з прыхільнікаў абедзьвюх групоўкі, і па вуліцах у паліцэйскай форме ходзяць баевікі. Гэтак жа і цывільная ўлада зьвязаная з баевікамі. У горадзе тры ўзроўні змаганьня. Першы – гэта барацьба за ўладу паміж дзьвюма шыіцкімі радыкальнымі групоўкамі. І таму ў горадзе рэгулярна адбываюцца перастрэлкі. Другі ўзровень – гэта этнічныя чысткі сунітаў ці хрысьціянаў. І нарэшце– сутычкі паміж Войскам Махдзі і брытанцамі, якія робяць спробы кантраляваць сытуацыю.
Падзеі апошніх дзён паднялі ў Вялікай Брытаніі новую хвалю абмеркаваньня пытаньняў, зьвязаных з вайной у Іраку. Брытанцы маюць у шчыльна населеным паўдзённым рэгіёне меней як 9 тысячаў жаўнераў. Гэтага, відавочна, недастаткова, каб змагацца з баевікамі ўзброеным шляхам. Аналітыкі кажуць, што Лёндан павінен вырашыць, ці працягваць з ісламістамі дыялёг у дыпляматычнай форме, як гэта рабілі раней, ці павялічваць свае ўзброеныя падразьдзяленьні. Але пакуль прагноз назіральнікаў маласуцяшальны – канфрантацыя будзе нарастаць.
