Лінкі ўнівэрсальнага доступу

"Ямал-Эўропа": ці будзе другая нітка празь Беларусь?


Юлія Шарова, Менск “Газпром” не выключае магчымасьці пабудаваць у Беларусі другую нітку газаправоду “Ямал – Эўропа”, паведамляе сёньня агенцтва "Інтэрфакс".

Як заявіў 16 верасьня намесьнік старшыні праўленьня “Газпрома” Андрэй Круглоў, такі праект разглядаецца, аднак пакуль не гатовыя вынікі тэхніка-эканамічнага абгрунтаваньня. Пры гэтым, як паведамляе “Інтэрфакс”, ніякага рашэньня на гэты конт пакуль не прынята, і “Газпром” павінен улічваць свае пляны будаваць газаправод па дне Балтыйскага мора да Нямеччыны.

Першы намесьнік міністра энэргетыкі Эдуард Таўпянец днямі таксама заяўляў у інтэрвію "Свабодзе", што праект “Ямал – Эўропа-2” па-ранейшаму разглядаецца. Хоць незалежныя экспэрты цьвердзяць, што для Расеі ён будзе нявыгадны і хутчэй за ўсё яна ад яго адмовіцца на карысьць нямецкага праекту.

Гл. таксама • Што думаюць у Беларусі пра маскоўска-бэрлінскі газаправод? • Варшава занепакоена "газавымі плянамі" Масквы і Бэрліна
XS
SM
MD
LG