Пытаньне дазволу на правядзеньне Кангрэсу дэміслаў у Менску абмяркоўвалася падчас сустрэчы Аляксандра Лукашэнкі са старшынём Менскага гарвыканкаму Міхаілам Паўлавым.
Паводле спадара Паўлава, гэтае мерапрыемства не ўваходзіць у кампэтэнцыю і абавязкі Менгарвыканкаму, аднак у горадзе шмат памяшканьняў, каб правесьці кангрэс на высокім узроўні. І менскія ўлады гатовыя аказаць усялякае садзеяньне. Паўлаў даклаў кіраўніку краіны пра гатовасьць прапанаваць некалькі варыянтаў для правядзеньня апазыцыйнага кангрэсу – палацы культуры трактарнага завода, менскага аўтазавода, чыгуначнікаў, “Сукно” і “Камволь”.
Паводле афіцыйных крыніцаў, А. Лукашэнка падтрымаў такую пазыцыю менскіх уладаў. Аднак пацьвердзіць гэтую інфармацыю пакуль не ўзяўся ніводзін з чыноўнікаў Менгарвыканкаму. Супрацоўнік ідэалягічнай управы Эдуард Тамільчык.
(Тамільчык: ) “Я ня ў курсе. Скажу наўпрост, што мне цяжка адказаць на гэтае пытаньне”.
Прэсавы сакратар Алена Аўрынская:
(Аўрынская: ) “Ня ведаю. У мяне яшчэ няма дакумэнта”.
У менскім Гарвыканаме таксама патлумачылі, што цяпер там занятыя падрыхтоўкай да сьвяткаваньня дня гораду, а потым ужо будуць разьбірацца з кангрэсам.
Старшыня аргкамітэту Кангрэсу дэмакратычных сілаў Аляксандар Бухвостаў нагадаў, што адпаведна закону былі накіраваны 52 запыты ўласьнікам памяшканьняў па ўсёй краіне, у тым ліку такі запыт быў накіраваны ў Менскі гарвыканкам. Аднак адусюль былі адмоўныя адказы альбо адказаў не было зусім, пакуль у гэты працэс не ўмяшаўся кіраўнік Беларусі.
Чаму ж кіраўніцтва Беларусі ідзе на саступкі?
(Бухвостаў: ) “Я думаю, ім жа сорамна стане, як гэта зьедуць усе дэмакраты за мяжу праводзіць кангрэс, а хто ж застанецца? Гэта ўжо пытаньне палітычнага прэстыжу. Лукашэнку было б цяжка даказаць, што ён не дыктатар. Бо атрымалася б, што не даюць правесьці мірны сход, абраць яму суперніка на прэзыдэнцкія выбары. А мы ставілі задачу правесьці кангрэс у Беларусі. Калі такога дазволу ня будзе, то кангрэс пройдзе ў адной з суседніх краін. У нас ужо ёсьць такія дамоўленасьці. Яны, відаць, пра гэта даведаліся і ім здалося, што гэта дрэнна”.
Паводле спадара Паўлава, гэтае мерапрыемства не ўваходзіць у кампэтэнцыю і абавязкі Менгарвыканкаму, аднак у горадзе шмат памяшканьняў, каб правесьці кангрэс на высокім узроўні. І менскія ўлады гатовыя аказаць усялякае садзеяньне. Паўлаў даклаў кіраўніку краіны пра гатовасьць прапанаваць некалькі варыянтаў для правядзеньня апазыцыйнага кангрэсу – палацы культуры трактарнага завода, менскага аўтазавода, чыгуначнікаў, “Сукно” і “Камволь”.
Паводле афіцыйных крыніцаў, А. Лукашэнка падтрымаў такую пазыцыю менскіх уладаў. Аднак пацьвердзіць гэтую інфармацыю пакуль не ўзяўся ніводзін з чыноўнікаў Менгарвыканкаму. Супрацоўнік ідэалягічнай управы Эдуард Тамільчык.
(Тамільчык: ) “Я ня ў курсе. Скажу наўпрост, што мне цяжка адказаць на гэтае пытаньне”.
Прэсавы сакратар Алена Аўрынская:
(Аўрынская: ) “Ня ведаю. У мяне яшчэ няма дакумэнта”.
У менскім Гарвыканаме таксама патлумачылі, што цяпер там занятыя падрыхтоўкай да сьвяткаваньня дня гораду, а потым ужо будуць разьбірацца з кангрэсам.
Старшыня аргкамітэту Кангрэсу дэмакратычных сілаў Аляксандар Бухвостаў нагадаў, што адпаведна закону былі накіраваны 52 запыты ўласьнікам памяшканьняў па ўсёй краіне, у тым ліку такі запыт быў накіраваны ў Менскі гарвыканкам. Аднак адусюль былі адмоўныя адказы альбо адказаў не было зусім, пакуль у гэты працэс не ўмяшаўся кіраўнік Беларусі.
Чаму ж кіраўніцтва Беларусі ідзе на саступкі?
(Бухвостаў: ) “Я думаю, ім жа сорамна стане, як гэта зьедуць усе дэмакраты за мяжу праводзіць кангрэс, а хто ж застанецца? Гэта ўжо пытаньне палітычнага прэстыжу. Лукашэнку было б цяжка даказаць, што ён не дыктатар. Бо атрымалася б, што не даюць правесьці мірны сход, абраць яму суперніка на прэзыдэнцкія выбары. А мы ставілі задачу правесьці кангрэс у Беларусі. Калі такога дазволу ня будзе, то кангрэс пройдзе ў адной з суседніх краін. У нас ужо ёсьць такія дамоўленасьці. Яны, відаць, пра гэта даведаліся і ім здалося, што гэта дрэнна”.
