Кіраўнік "Deutsche Welle" спадар Эрык Бэтэрман заявіў чытачом "Frankfurter Allgemeine", што ў будучых праграмах на Беларусь “ні ў якім выпадку ня будуць утрымлівацца заклікі да зьвяржэньня прэзыдэнта Лукашэнкі”. Паводле ягоных словаў, у перадачах ня будзе нічога ад палітычнага місіянэрства. Супрацоўнікі нямецкага радыё, аўтары будучых праграмаў, маюць намер інфармацыйна асьвятляць самыя розныя тэмы з самых розных бакоў.
На пытаньне, з чым жа зьвязана адкрыцьцё гэтага новага вяшчаньня, спадар Бэтэрман адказвае: “Наш досьвед, напрыклад, — з Украінай, паказвае, што апазыцыйныя сілы й няўрадавыя арганізацыі выкарыстоўваюць замежнае радыёвяшчаньне дзеля таго, каб лепш растлумачыць насельніцтву свае задачы. Інфармацыю пра афіцыйную палітыку народ атрымлівае штодня праз афіцыйныя СМІ. У гэтым сэнсе "Deutsche Welle" ёсьць голасам свабоды”.
Гаворачы пра інфармацыйную канцэпцыю новых праграмаў, спадар Бэтэрман вызначае два блёкі. Першы інфармацыйны блёк будзе прысьвечаны палітычным падзеям у Беларусі. Гэта будуць паведамленьні пра апазыцыю, мэдыі, жыцьцё моладзі, культуру, а таксама пра тое, як і якім чынам палітыка ўраду ўплывае на людзей, якія жывуць у Беларусі.
У другім блёку размова будзе весьціся пра эўрапейскае жыцьцё —штодзённае жыцьцё звычайных эўрапейцаў і падзеі, якія адбываюцца ў Брусэлі, у арганізацыях ЭЗ.
“Чаму перадачы на Беларусь будуць весьціся па-расейску?” — запытвае "Frankfurter Allgemeine" ў кіраўніка "Deutsche Welle".
“Па-першае, у нас вельмі абмежаваныя фінансавыя й кадравыя рэсурсы, — патлумачвае спадар Бэтэрман. І дадае: “Аднак жа, як паказвае наш досьвед у цэнтальнаазіяцкім рэгіёне, куды мы маем гэтак званае праграмнае акно на расейскай мове, а таксама, як паказвае досьвед вяшчаньня прыватных станцыяў з суседніх зь Беларусью краінаў, да беларускай моладзі можна “дастукацца” толькі перадачамі на расейскай мове”.
“Але, — працягвае кіраўнік Deutsche Welle, — як кажуць, мы ня робім “зь беднасьці добрай справы”, “мы ніякім спосабам не зьбіраемся падтрымліваць лукашэнкаву стратэгію русыфікацыі”. Адмыслова для крытыкаў расейскамоўнага вяшчаньня на Беларусь спадар Бэтэрман зазначае: паралельна з радыёпраграмамі "Deutsche Welle" запрапануе й інфармацыйны матэрыял па-беларуску ў інтэрнэце.
Нагадаем: згодна з падпісаным паміж "Deutsche Welle" й Эўракамісіяй кантрактам, на будучае вяшчаньне выдаткавана 138 тысяч эўра. Размова пакуль ідзе пра гадавы праект. Новыя 15-хвілінныя праграмы на Беларусь будуць выходзіць пяць разоў на тыдзень — ад панядзелка да пятніцы. Як засьведчыла ў эфіры "Deutsche Welle" дырэктар расейскай службы радыё Карнэлія Рабітц, незалежная нямецкая станцыя, аднак, не пераўтворыцца ў інструмэнт брусэльскіх чыноўнікаў. У вяшчаньні на Беларусь, як і ў іншых перадачах радыё, будзе прыстунічаць гэтак званы нямецкі акцэнт, будуць уздымацца тэмы нямецкай палітыкі й культуры.
На пытаньне, з чым жа зьвязана адкрыцьцё гэтага новага вяшчаньня, спадар Бэтэрман адказвае: “Наш досьвед, напрыклад, — з Украінай, паказвае, што апазыцыйныя сілы й няўрадавыя арганізацыі выкарыстоўваюць замежнае радыёвяшчаньне дзеля таго, каб лепш растлумачыць насельніцтву свае задачы. Інфармацыю пра афіцыйную палітыку народ атрымлівае штодня праз афіцыйныя СМІ. У гэтым сэнсе "Deutsche Welle" ёсьць голасам свабоды”.
Гаворачы пра інфармацыйную канцэпцыю новых праграмаў, спадар Бэтэрман вызначае два блёкі. Першы інфармацыйны блёк будзе прысьвечаны палітычным падзеям у Беларусі. Гэта будуць паведамленьні пра апазыцыю, мэдыі, жыцьцё моладзі, культуру, а таксама пра тое, як і якім чынам палітыка ўраду ўплывае на людзей, якія жывуць у Беларусі.
У другім блёку размова будзе весьціся пра эўрапейскае жыцьцё —штодзённае жыцьцё звычайных эўрапейцаў і падзеі, якія адбываюцца ў Брусэлі, у арганізацыях ЭЗ.
“Чаму перадачы на Беларусь будуць весьціся па-расейску?” — запытвае "Frankfurter Allgemeine" ў кіраўніка "Deutsche Welle".
“Па-першае, у нас вельмі абмежаваныя фінансавыя й кадравыя рэсурсы, — патлумачвае спадар Бэтэрман. І дадае: “Аднак жа, як паказвае наш досьвед у цэнтальнаазіяцкім рэгіёне, куды мы маем гэтак званае праграмнае акно на расейскай мове, а таксама, як паказвае досьвед вяшчаньня прыватных станцыяў з суседніх зь Беларусью краінаў, да беларускай моладзі можна “дастукацца” толькі перадачамі на расейскай мове”.
“Але, — працягвае кіраўнік Deutsche Welle, — як кажуць, мы ня робім “зь беднасьці добрай справы”, “мы ніякім спосабам не зьбіраемся падтрымліваць лукашэнкаву стратэгію русыфікацыі”. Адмыслова для крытыкаў расейскамоўнага вяшчаньня на Беларусь спадар Бэтэрман зазначае: паралельна з радыёпраграмамі "Deutsche Welle" запрапануе й інфармацыйны матэрыял па-беларуску ў інтэрнэце.
Нагадаем: згодна з падпісаным паміж "Deutsche Welle" й Эўракамісіяй кантрактам, на будучае вяшчаньне выдаткавана 138 тысяч эўра. Размова пакуль ідзе пра гадавы праект. Новыя 15-хвілінныя праграмы на Беларусь будуць выходзіць пяць разоў на тыдзень — ад панядзелка да пятніцы. Як засьведчыла ў эфіры "Deutsche Welle" дырэктар расейскай службы радыё Карнэлія Рабітц, незалежная нямецкая станцыя, аднак, не пераўтворыцца ў інструмэнт брусэльскіх чыноўнікаў. У вяшчаньні на Беларусь, як і ў іншых перадачах радыё, будзе прыстунічаць гэтак званы нямецкі акцэнт, будуць уздымацца тэмы нямецкай палітыкі й культуры.
