Колькі цяпер зарабляе прэзыдэнт Беларусі людзі даведаліся ад Аляксандра Лукашэнкі ў інтэрвію расейскаму тэлеканалу ТВЦ. Ягоны месячны аклад складае нібыта каля 1200 амэрыканскіх даляраў. “Міністры, - сказаў кіраўнік дзяржавы, - атрымліваюць 800 даляраў”. Па словах Лукашэнка, “гэта сьмешная сума”. Сапраўды даводзіцца сумнявацца ў рэальных прыбытках вышэйшага беларускага кіраўніцтва, бо неяк старшыня Нацбанку Пётр Пракаповіч падараваў аўтобус роднай Тамашоўскай школе на Берасьцейшчыне. Больш дробную тэхніку ад свайго імя прэзэнтуюць міністры, губэрнатары, дырэктары. Ну а зараз імя Лукашэнкі зьявілася на 10 аўтобусах. Афіцыйна за імянны караван разьлічыўся Дзяржкамчарнобыль, паведаміў у інтэрвію Радыё Свабода прадстаўнік ведамства Канстанцін Анісімаў.
(Анісімаў: ) “У 2001 годзе было даручэньне ажыцьцявіць закупку аўтобусаў для падвозу дзяцей у школу. Там напісана: на пэрыяд да 2005 году”.
(Карэспандэнт: ) “Аплачана ўсё зь бюджэту?”
(Анісімаў: ) “Так. За 10 аўтобусаў 475 мільёнаў беларускіх рублёў”.
У Броніцкай школе Буда-Кашалёўскага раёну неабходнасьць у падвозе вучняў зьявілася толькі сёлета. Пяць суседніх вёсак не патрапілі пад прэзыдэнцкія указы аб сацыяльных стандартах і адну на ўсіх школу зачынілі. Зараз іх будуць вазіць на вучобу за 7 і больш кілямэтраў. Гаворыць настаўніца Нэля Гузава.
(Гузава: ) “Мы самі на валаску віселі. У нас было 53 вучні ў школе. Мы былі раней калгас “Зара”, наша школа па-за цэнтрам. Усё ж зараз упіраецца ў гэтыя сацыяльныя стандарты. Мы іх ужо вывучылі на зубок, як на экзамэн. У мяне самой адзін сын ўжо студэнт, а другі – вучань пятага кляса. Таму я таксама хвалююся. Адправіць дзіця, а там падоўжаная група, калі яшчэ зьявіцца? Думай і выглядай маці той аўтобус. Але што мы з вамі можам зрабіць?”
Пра адукацыйныя праблемы закінутых вёсак гутарым з пісьменьнікам Сяргеем Законьнікам. Вось ягоны камэнтар да сытуацыі сёньняшняга дня.
(Законьнікаў: ) “Тут справа ня толькі ў дэмаграфіі. У Эўропе вельмі многа маленькіх школ. Вось, скажам канкрэтная вёска Tanen Kirx, у якой я быў. Робіцца ўсё, каб нават у маленькім паселішчы былі створаныя ўсе ўмовы для разьвіцьця чалавека. Нашы людзі не разумеюць усіх базавых інстытутаў грамадзтва. Маю на ўвазе сям”ю, школу. І наіўна думаюць, што адна асоба у сілах наладзіць кожнаму чалавеку годнае жыцьцё. А наш лідэр замацоўвае ў народзе такое разуменьне: “Я даў! Дапамагло толькі маё ўмяшаньне”. Што тычыцца маральнага аспэкту – гэта добра, што аўтобусы выдзяляюцца такія. Але вось гэты факт абсалютна прагматычны. Нібыта прэзыдэнт са сваёй кішэні дастаў грошы і купіў аўтобусы і падарыў дзецям... Гэта мыльная бурбалка. І такіх мыльных бурбалак наша афіцыйная прапаганда запускае над Беларусьсю вялікае мноства”.
(Анісімаў: ) “У 2001 годзе было даручэньне ажыцьцявіць закупку аўтобусаў для падвозу дзяцей у школу. Там напісана: на пэрыяд да 2005 году”.
(Карэспандэнт: ) “Аплачана ўсё зь бюджэту?”
(Анісімаў: ) “Так. За 10 аўтобусаў 475 мільёнаў беларускіх рублёў”.
У Броніцкай школе Буда-Кашалёўскага раёну неабходнасьць у падвозе вучняў зьявілася толькі сёлета. Пяць суседніх вёсак не патрапілі пад прэзыдэнцкія указы аб сацыяльных стандартах і адну на ўсіх школу зачынілі. Зараз іх будуць вазіць на вучобу за 7 і больш кілямэтраў. Гаворыць настаўніца Нэля Гузава.
(Гузава: ) “Мы самі на валаску віселі. У нас было 53 вучні ў школе. Мы былі раней калгас “Зара”, наша школа па-за цэнтрам. Усё ж зараз упіраецца ў гэтыя сацыяльныя стандарты. Мы іх ужо вывучылі на зубок, як на экзамэн. У мяне самой адзін сын ўжо студэнт, а другі – вучань пятага кляса. Таму я таксама хвалююся. Адправіць дзіця, а там падоўжаная група, калі яшчэ зьявіцца? Думай і выглядай маці той аўтобус. Але што мы з вамі можам зрабіць?”
Пра адукацыйныя праблемы закінутых вёсак гутарым з пісьменьнікам Сяргеем Законьнікам. Вось ягоны камэнтар да сытуацыі сёньняшняга дня.
(Законьнікаў: ) “Тут справа ня толькі ў дэмаграфіі. У Эўропе вельмі многа маленькіх школ. Вось, скажам канкрэтная вёска Tanen Kirx, у якой я быў. Робіцца ўсё, каб нават у маленькім паселішчы былі створаныя ўсе ўмовы для разьвіцьця чалавека. Нашы людзі не разумеюць усіх базавых інстытутаў грамадзтва. Маю на ўвазе сям”ю, школу. І наіўна думаюць, што адна асоба у сілах наладзіць кожнаму чалавеку годнае жыцьцё. А наш лідэр замацоўвае ў народзе такое разуменьне: “Я даў! Дапамагло толькі маё ўмяшаньне”. Што тычыцца маральнага аспэкту – гэта добра, што аўтобусы выдзяляюцца такія. Але вось гэты факт абсалютна прагматычны. Нібыта прэзыдэнт са сваёй кішэні дастаў грошы і купіў аўтобусы і падарыў дзецям... Гэта мыльная бурбалка. І такіх мыльных бурбалак наша афіцыйная прапаганда запускае над Беларусьсю вялікае мноства”.