Як паведаміў мадэратар форуму Сяржук Серабро, форум “Палітыка, грамадзтва, улада” праіснаваў у Віцебску крыху больш за год. Ён даваў людзям магчымасьць вольна выказвацца пра палітычныя падзеі ў сьвеце, і, па сутнасьці, заставаўся апошнім беларускім палітычным форумам, зьмешчаным на афіцыйнай гарадзкой інтэрнэт-старонцы.
Паводле спадара Серабра, найбольш папулярнымі перад зьнішчэньнем былі тэмы пра беларускую мову ў перадачах “Нямецкай хвалі”, пра выбары адзінага кандыдата ад апазыцыі і пра магчымасьць дэфолту ў Беларусі, а таму некаторыя ўдзельнікі форуму не выключаюць таго, што яго зьнішчылі невыпадкова. Тым ня менш, на думку мадэратара, пакуль няма падставаў гаварыць пра гвалтоўнае закрыцьцё форуму афіцыйнымі ўладамі, і найбольш верагоднай ёсьць вэрсія пра чарговую хакерскую атаку.
Сёньня палітычны форум у Віцебску практычна пачаў працаваць наноў, і для абмеркаваньня на ім прапанаваны адзін з апошніх матэрыялаў Радыё Свабода: гутарка Сяргея Навумчыка і Зянона Пазьняка “Незалежнасьці можна дамагчыся малымі сіламі, але ўтрымаць Незалежнасьць малымі сіламі цяжка”.
Паводле спадара Серабра, найбольш папулярнымі перад зьнішчэньнем былі тэмы пра беларускую мову ў перадачах “Нямецкай хвалі”, пра выбары адзінага кандыдата ад апазыцыі і пра магчымасьць дэфолту ў Беларусі, а таму некаторыя ўдзельнікі форуму не выключаюць таго, што яго зьнішчылі невыпадкова. Тым ня менш, на думку мадэратара, пакуль няма падставаў гаварыць пра гвалтоўнае закрыцьцё форуму афіцыйнымі ўладамі, і найбольш верагоднай ёсьць вэрсія пра чарговую хакерскую атаку.
Сёньня палітычны форум у Віцебску практычна пачаў працаваць наноў, і для абмеркаваньня на ім прапанаваны адзін з апошніх матэрыялаў Радыё Свабода: гутарка Сяргея Навумчыка і Зянона Пазьняка “Незалежнасьці можна дамагчыся малымі сіламі, але ўтрымаць Незалежнасьць малымі сіламі цяжка”.
