Сьледчы Алег Варанецкі выклікаў на допыт сябра “Трэцяга шляху” Алега Мініча другі раз. Першы раз яго дапыталі 16 жніўня ў Горадні. У той дзень у Менску супрацоўнікі КГБ дапыталі Паўла Марозава і Андрэя Абозава. У хлопцаў забралі ўсе дакумэнты. У Андрэя Абозава нават пасьведчаньне аб нараджэньні.
Сёньня гарадзенскі сьледчы, які ўваходзіць у сьледчую групу, дапытаў ня толькі Алега Мініча, але й ягоную жонку. Галіна Мініч абураная дзеяньнямі КГБ. На яе думку, сьледчы Варанецкі пайшоў на парушэньне закону дзеля запалохваньня сям’і.
(Галіна:) "Я абураная дзеяньнямі ўладаў, бо пачалі ўжываць ціск супраць сям’і. Гэта беззаконьне. Я ня маю дачыненьня да гэтай справы, але й на мяне ціснуць. Проста забралі пашпарт. А ён мне патрэбны штодня. Мы напісалі скаргу на імя пракурора. Абяцалі разгледзіць. Трэба атрымаць кнігі, кажуць: “Вы не атрымаеце.” Трэба грошы атрымаць у банку, кажуць: “Вы не атрымаеце.”"
Назіральнікі адзначаюць, што пашпарты сьледчыя забіраюць толькі ў падазраваных ці ў абвінавачаных. Але кіраўнік сьледчай групы запэўніваў Радыё Свабода, што ў гэтай справе такіх пакуль няма.
Алег Мініч паведаміў, што сьледчы Варанецкі папрасіў даць яму пашпарты, каб унесьці іх дадзеныя ў кампутар. Але, як высьветлілася, зь іншай мэтай:
(Алег Мініч: ) “Заявіў, што пашпарты забірае і ў мяне, і ў жонкі. Я спытаўся: “А жонка якое да гэтага мае дачыненьне?” Ён мне адказаў: “Ну, нам тут лепш бачна”. Казаў, што гэта робіцца на карысьць сьледзтва. Атрымліваецца – хто мусіць захоўваць законы, сам іх і парушае. Чаму? Я думаю, што, магчыма, улады спалохаліся рэзанансу. Я атрымліваю лісты падтрымкі ад людзей з розных куткоў сьвету. Нават не чакаў такога!”
Нікому з тых, хто праходзіць у справе як сьведка, супрацоўнікі КГБ не аддалі дакумэнты.
Гл. таксама Сябры 3dway.org застаюцца бяз тэхнікі, але працуюць над новымі мультамі АБСЭ занепакоена сытуацыяй з mult.3dway.org
Сёньня гарадзенскі сьледчы, які ўваходзіць у сьледчую групу, дапытаў ня толькі Алега Мініча, але й ягоную жонку. Галіна Мініч абураная дзеяньнямі КГБ. На яе думку, сьледчы Варанецкі пайшоў на парушэньне закону дзеля запалохваньня сям’і.
(Галіна:) "Я абураная дзеяньнямі ўладаў, бо пачалі ўжываць ціск супраць сям’і. Гэта беззаконьне. Я ня маю дачыненьня да гэтай справы, але й на мяне ціснуць. Проста забралі пашпарт. А ён мне патрэбны штодня. Мы напісалі скаргу на імя пракурора. Абяцалі разгледзіць. Трэба атрымаць кнігі, кажуць: “Вы не атрымаеце.” Трэба грошы атрымаць у банку, кажуць: “Вы не атрымаеце.”"
Назіральнікі адзначаюць, што пашпарты сьледчыя забіраюць толькі ў падазраваных ці ў абвінавачаных. Але кіраўнік сьледчай групы запэўніваў Радыё Свабода, што ў гэтай справе такіх пакуль няма.
Алег Мініч паведаміў, што сьледчы Варанецкі папрасіў даць яму пашпарты, каб унесьці іх дадзеныя ў кампутар. Але, як высьветлілася, зь іншай мэтай:
(Алег Мініч: ) “Заявіў, што пашпарты забірае і ў мяне, і ў жонкі. Я спытаўся: “А жонка якое да гэтага мае дачыненьне?” Ён мне адказаў: “Ну, нам тут лепш бачна”. Казаў, што гэта робіцца на карысьць сьледзтва. Атрымліваецца – хто мусіць захоўваць законы, сам іх і парушае. Чаму? Я думаю, што, магчыма, улады спалохаліся рэзанансу. Я атрымліваю лісты падтрымкі ад людзей з розных куткоў сьвету. Нават не чакаў такога!”
Нікому з тых, хто праходзіць у справе як сьведка, супрацоўнікі КГБ не аддалі дакумэнты.
Гл. таксама Сябры 3dway.org застаюцца бяз тэхнікі, але працуюць над новымі мультамі АБСЭ занепакоена сытуацыяй з mult.3dway.org