Мікалай Шаўцоў, якому сёньня споўнілася 57 год, пратрымаўся на сваёй пасадзе тры гады. І ўвесь гэты час ён знаходзіўся ў цяні Алега Праліскоўскага і Натальлі Пяткевіч. Менавіта іх імёны згадваюцца перадусім, калі размова ідзе пра кіраўніцтва беларускай ідэалёгіяй. Мікалай Шаўцоў непрыкметна зьмяніў свайго папярэдніка – паэта і чыноўніка Івана Карэнду, які цяпер працуе у амбасадзе Беларусі ў Расеі, і які таксама непрыкметна зьнік з ідэалягічнага гарызонту.
Уладзімер Нісьцюк, які памятае Мікалая Шаўцова па сумеснай працы ў Вярхоўным савеце Беларусі 13-га скліканьня, гаворыць, што той заўжды пазьбягаў публічнай дзейнасьці:
(Нісьцюк: ) "Тое, што было такое ўпраўленьне – ідэалягічнае – для мяне адкрыцьцё. Я лічу, што я актыўна удзельнічаю ў палітычным жыцьці дзяржавы, але ж ні разу нідзе я ня бачыў ні подпісу начальніка ўпраўленьня ідэалягічнай працы, ні згадваньня яго ў тэлевізіі ці радыё".
Спадар Нісьцюк зьвязвае адстаўку Мікалая Шаўцова з выбарамі прэзыдэнта Беларусі, якія маюць адбыцца ў 2006 годзе. На ягоную думку, гэта адстаўка першая з шэрагу звальненьняў, якія могуць адбыцца бліжэйшым часам у ідэалягічнай сфэры.
(Нісьцюк: ) "Тое, што Аляксандар Рыгоравіч зьмяняе кіраўніка ідэалягічнага накірунку, дык я магу сказаць, што, можа, ён і правільна робіць, бо ідэалягічная праца цяпер зайшла ў тупік. І тое, што цяпер робіцца на тэлевізіі, на радыё, усё гэта адзін да аднаго, што рабілася 10-11 гадоў таму. Ніякіх няма зьменаў, ніякай няма дынамікі, ніякай творчасьці, ніякай навізны. Усё робіцца па старых лекалах савецкага часу. Людзям гэта ўжо абрыдла, яны гэта не ўспрымаюць. Я думаю, тое, што губляецца рэйтынг улады, рэйтынг кіраўніка дзяржавы – у гэтым як раз многа ўдзелу прымае ідэалягічны апарат, які працуе вельмі непрафэсійна і вельмі непрадуктыўна. Я б на месцы Лукашэнкі таксама пачаў бы мяняць гэты апарат".
Уладзімер Нісьцюк, які памятае Мікалая Шаўцова па сумеснай працы ў Вярхоўным савеце Беларусі 13-га скліканьня, гаворыць, што той заўжды пазьбягаў публічнай дзейнасьці:
(Нісьцюк: ) "Тое, што было такое ўпраўленьне – ідэалягічнае – для мяне адкрыцьцё. Я лічу, што я актыўна удзельнічаю ў палітычным жыцьці дзяржавы, але ж ні разу нідзе я ня бачыў ні подпісу начальніка ўпраўленьня ідэалягічнай працы, ні згадваньня яго ў тэлевізіі ці радыё".
Спадар Нісьцюк зьвязвае адстаўку Мікалая Шаўцова з выбарамі прэзыдэнта Беларусі, якія маюць адбыцца ў 2006 годзе. На ягоную думку, гэта адстаўка першая з шэрагу звальненьняў, якія могуць адбыцца бліжэйшым часам у ідэалягічнай сфэры.
(Нісьцюк: ) "Тое, што Аляксандар Рыгоравіч зьмяняе кіраўніка ідэалягічнага накірунку, дык я магу сказаць, што, можа, ён і правільна робіць, бо ідэалягічная праца цяпер зайшла ў тупік. І тое, што цяпер робіцца на тэлевізіі, на радыё, усё гэта адзін да аднаго, што рабілася 10-11 гадоў таму. Ніякіх няма зьменаў, ніякай няма дынамікі, ніякай творчасьці, ніякай навізны. Усё робіцца па старых лекалах савецкага часу. Людзям гэта ўжо абрыдла, яны гэта не ўспрымаюць. Я думаю, тое, што губляецца рэйтынг улады, рэйтынг кіраўніка дзяржавы – у гэтым як раз многа ўдзелу прымае ідэалягічны апарат, які працуе вельмі непрафэсійна і вельмі непрадуктыўна. Я б на месцы Лукашэнкі таксама пачаў бы мяняць гэты апарат".