РЫЯД. У Савудаўскай Арабіі забіты кіраўнік мясцовага аддзяленьня “Аль-Кайды” Салех аль-Уфі. Міністэрства ўнутраных справаў краіны паведаміла, што ён загінуў у горадзе Мэдына ў часе ўзброенай сутычкі паліцыі з двума баевікамі. Уфі – адзін з экстрэмістаў, якога ўжо доўгі час вышуквалі савудаўскія ўлады. Раней тэлеканал “Аль-Арабія” паведаміў, што ў Мэдыне былі затрыманыя некалькі баевікоў.