На цэнтральную плошчу Барысава насупраць будынку гарвыканкаму выйшлі калектывы рэдакцый “Барысаўскіх навін” і “Курьер из Борисова”, а таксама некалькі дзясяткаў актывістаў моладзевага руху “Зубр”, Маладога Фронту, аб’яднаньня “Волат”. Яны трымалі ў руках асобнікі незалежных газэт, якія карыстаюцца попытам у жыхароў Барысава.
Газэта “Курьер из Борисова“ мае наклад 20. 000 асобнікаў і цалкам разыходзіцца. Цягам апошняга месяца газэты адмовіліся прымаць у шапіках Белсаюздруку. Больш за тое: міліцыянты забаранілі прыватным прадпрымальнікам гандляваць незалежнымі выданьнямі на вуліцы. Калектывы рэдакцый амаль штодня наведваюць суд, бо там ідзе разгляд пазоваў супраць газэт.
Каардынатар “Свабоднай Беларусі” ў Барысаве Зьміцер Бародка патлумачыў Радыё Свабода мэту вулічнай акцыі.
(Бародка: ) “Гэтая акцыя адбываецца на знак падтрымкі нашай дэмакратычнай прэсы “Барысаўскія навіны” й “Курьер из Борисова”. Мы выйшлі на плошчу з пратэстам супраць таго, што апошнім часам чыніцца ціск з боку мясцовых улад на нашу дэмакратычную прэсу. Гэта, напэўна, робіцца згодна з загадам зьверху, каб “зачысьціць” інфармацыйную прастору напярэдадні прэзыдэнцкіх выбараў. Газэты “Барысаўскія навіны” й “Курьер из Борисова” карыстаюцца вялікім попытам у насельніцтва. Мы заклікалі звычайных гараджан падтрымаць нашу акцыю”.
Нягледзячы на халоднае надвор’е й тое, што акцыя адбывалася напрыканцы працоўнага тыдня, на плошчу прыйшлі некалькі дзясяткаў грамадзян падтрымаць калектывы недзяржаўных выданьняў.
Газэта “Курьер из Борисова“ мае наклад 20. 000 асобнікаў і цалкам разыходзіцца. Цягам апошняга месяца газэты адмовіліся прымаць у шапіках Белсаюздруку. Больш за тое: міліцыянты забаранілі прыватным прадпрымальнікам гандляваць незалежнымі выданьнямі на вуліцы. Калектывы рэдакцый амаль штодня наведваюць суд, бо там ідзе разгляд пазоваў супраць газэт.
Каардынатар “Свабоднай Беларусі” ў Барысаве Зьміцер Бародка патлумачыў Радыё Свабода мэту вулічнай акцыі.
(Бародка: ) “Гэтая акцыя адбываецца на знак падтрымкі нашай дэмакратычнай прэсы “Барысаўскія навіны” й “Курьер из Борисова”. Мы выйшлі на плошчу з пратэстам супраць таго, што апошнім часам чыніцца ціск з боку мясцовых улад на нашу дэмакратычную прэсу. Гэта, напэўна, робіцца згодна з загадам зьверху, каб “зачысьціць” інфармацыйную прастору напярэдадні прэзыдэнцкіх выбараў. Газэты “Барысаўскія навіны” й “Курьер из Борисова” карыстаюцца вялікім попытам у насельніцтва. Мы заклікалі звычайных гараджан падтрымаць нашу акцыю”.
Нягледзячы на халоднае надвор’е й тое, што акцыя адбывалася напрыканцы працоўнага тыдня, на плошчу прыйшлі некалькі дзясяткаў грамадзян падтрымаць калектывы недзяржаўных выданьняў.
