Лінкі ўнівэрсальнага доступу

Украіна зьменіць свайго амбасадара ў Беларусі


Уладзімер Глод, Менск Пётар Шапавал — цяперашні амбасадар Украіны ў Беларусі — да канца жніўня зьбіраецца зьмяніць месца працы. Яго адклікаюць на радзіму.

Спадар Шапавал быў прызначаны на пасаду амбасадара ў Беларусі ў жніўні 2003 году. Як і ягоны папярэднік Анатоль Дронь, ён — выхадзец з Чарнігаўскай вобласьці, прадстаўнікі якой за прэзыдэнцтвам Леаніда Кучмы традыцыйна прызначаліся амбасадарамі ў Беларусь.

Ува ўкраінскай амбасадзе афіцыйна не камэнтуюць прычыны зьмены кіраўніка дыпляматычнай місіі. Але ў прыватных размовах супрацоўнікі амбасады нагадваюць, што Шапавала прызначаў папярэднік Віктара Юшчанкі.

Пасьля абраньня прэзыдэнта Юшчанкі й фармаваньня новага ўраду міністар замежных спраў Украіны Барыс Тарасюк паведаміў, што будзе праведзена ратацыя амбасадараў прыкладна ў 25 краінах.
XS
SM
MD
LG