НЬЮ-ЁРК Незалежная камісія абвінаваціла кіпрыёта Бэнона Сэвана, былога кіраўніка гуманітарнай праграмы ААН для Іраку “Нафта ў абмен на харчаваньне” ў атрыманьні хабару ў памеры 150 тысячаў даляраў.
Камісія таксама абвінаваціла іншага былога супрацоўніка ААН Аляксандра Якаўлева ў атрыманьні хабару ў памеры 950 тысячаў даляраў. Аўтары справаздачы, апублікаванай сёньня раяць генэральнаму сакратару ААН Кофі Анану пазбавіць Сэвана і Якаўлева дыпляматычнай недатыкальнасьці, што дазволіць пачаць іх крымінальны перасьлед.