ЛЁНДАН. Замбія дэпартавала ў Вялікую Брытанію брытанскага грамадзяніна Харуна Асвата, падазраванага ў тэрарызьме. Брытанская прэса паведамляе, што Асват лічыцца галоўным арганізатарам выбухаў у Лёндане 7 ліпеня, ахвярамі якіх сталі болей як 50 чалавек. Тым часам першаму з чатырох падазраваных у спробах учыніць 21 ліпеня тэракты ў Лёндане ўжо выстаўлена абвінавачаньне. Ясін Хасан Асман абвінавачваецца ў змове з мэтаю забойства і, як паведаміла сёньня паліцыя, суд над ім пачнецца ў панядзелак.