Г’ЮСТАН. ЗША. Астранаўты шатла «Дыскавэры» ў сераду выйдуць у адкрыты космас, каб выдаліць кавалкі ізаляцыйнага матар’ялу, які тырчыць паміж плітак тэрмічнай абароны. Астранаўт Стыў Робінсан заявіў, што працы будуць весьціся выключна асьцярожна, каб не пашкодзіць пліткі. Як сёньня было паведамлена, экіпаж “Дыскавэры” не застанецца на Міжнароднай касьмічнай станцыі, шатл павінен вярнуцца на Зямлю 8 жніўня.