Лінкі ўнівэрсальнага доступу

logo-print

У доме гомельскага палітыка В. Карнеенкі шукалі міну


Казімер Яноўскі, Гомель Сёньня ў Гомелі а палове 18 гадзіны міліцыя ды людзі ў цывільным уварваліся ў прыватны дом на вуліцы Палеская, 52. Дом належыць вядомаму палітыку Віктару Карнеенку. "Госьці" заявілі, што паступіў тэлефонны званок: нібыта ў доме знаходзіцца міна.

У гэты час звыш дзесятка маладых людзей, якія належаць да моладзевага руху “Гарт”, вялі дыскусію на конт праблемаў моладзі ў сучасным грамадзтве.

Міліцыя, нягледзячы на наяўнасьць у многіх пашпартаў, затрымала 10 маладых людзей і павезла у Чыгуначны пастарунак для высьвятленьня асобаў. Суправаджаў моладзь супрацоўнік міліцыі, які назваўся Аляксандрам Вайдэнкам, а кіраваў захопам асабіста начальнік Чыгуначнага пастарунку Аляксандр Некрашэвіч ды прадстаўнік УКГБ, які не называў сабе.

На Палескую былі выкліканы сапёры. У адным з пакояў яны ўзламалі дзьверы, але выбуховага прыстасаваньня і там не знайшлі.
XS
SM
MD
LG