Лінкі ўнівэрсальнага доступу

logo-print

Што думаюць кіроўцы Гомелю пра ДАІ?


Казімер Яноўскі, Гомель Ці лічыце вы, што Беларусі трэба пераняць досьвед Украіны і зьліквідаваць дзяржаўтаінспэкцыю? Гэтае пытаньне кіроўцам Гомелю задаваў наш карэспандэнт.

(Першы кіроўца: ) “Я часта ежджу ва Ўкраіну. Калі тысячу расейскіх рублёў дам у рукі, дык іхныя супрацоўнікі ДАІ кідаюць дакумэнты — едзь, куды хочаш, усё добра. Калі не дасі, дык вымагаюць”.

(Другі: ) “Шмат п’яных езьдзіць кіроўцаў. Ліквідаваць службу ДАІ будзе вельмі няправільна. Я езьдзіў на поўдзень, у Ялту, адпачываць. Калі ўкраінскі супрацоўнік ДАІ спыняе аўтамашыну, яму трэба штосьці даць. У нас таксама такое ёсьць”.

(Кіроўца: ) “ДАІ павінна быць. У нас не настолькі яны нахабныя, як ва Ўкраіне”.

(Карэспандэнт: ) “Ці лічыце вы, што Беларусі трэба пераняць досьвед Украіны і ліквідаваць дзяржаўтаінспэкцыю?”

(Кіроўца: ) “Украінская аўтаінспэкцыя адрозьніваецца, канечне, ад нашай. Яны ня надта ветлівыя. У нас пра дробязь могуць проста сказаць, вусна папярэдзіць, а ў іх усё — яны адразу штрафуюць”.

(Кіроўца: ) “Ва Ўкраіне супрацоўнікі ДАІ бяруць хабар бязбожна. Едзеш, глядзяць — чый нумар. Калі беларускі ці іншы замежны, адразу спыняюць. Чапляюцца да ўсяго. Нашы ахоўнікі дарог больш памяркоўныя”.

(Кіроўца: ) “На Чарнігаўшчыне бяруць хабар беларускімі рублямі за перавышэньне хуткасьці”.

(Кіроўца: ) “Дарожная служба павінна заставацца незалежнай. Яна павінна кантраляваць усе дарогі. Іначай на дарогах пачнуцца беспарадкі”.

(Кіроўца: ) “Нам трэба таксама колькасьць супрацоўнікаў ДАІ зьменшыць. Людзі пачынаюць самі разумець, што на дарогах трэба паводзіць сябе лепей. Навошта столькі супрацоўнікаў ДАІ?”

(Кіроўца: ) “Ня ведаю, трэба ці ня трэба ліквідоўваць ДАІ. Але што яна кепска працуе, гэта дакладна. Ахоўнікаў мала на дарогах. Яны толькі выяжджаюць з радарам, каб злавіць кіроўцу за перавышэньне хуткасьці. А што іншыя павароты не ўключаюць, што няма парковак, што абстаўлена ўсё знакамі “Для службовага карыстаньня”, гэта мала іх турбуе. Да пастарунку міліцыі не пад’едзеш: няма дзе прыпыніцца. Аўтааматар — як ізгой у грамадзтве. У горадзе няма нідзе выезду да ракі. Для сябе яны зрабілі шлях у 17-м мікрараёне — паставілі “цагліну” і шлягбаўм. Самі праяжджаюць, а народу нельга. На цэнтральных трасах багата пешаходных пераходаў без рэгуляваньня. Трэба альбо сьвятлафоры ставіць, альбо падземныя пераходы рабіць. Езьдзіць немажліва”.
XS
SM
MD
LG