БАГДАД. У ірацкай сталіцы пяцёра вайскоўцаў і 15 цывільных жыхароў загінулі сёньня ў выніку новай хвалі выбухаў. Паводле розных дадзеных, у Багдадзе выбухнулі ад трох да пяці замінаваных аўтамабіляў. Яны знаходзіліся каля лягеру ірацкай паліцыі і на шляху амэрыканскай вайсковай калёны.
Між тым камандаваньне амэрыканскіх войскаў паведаміла, што ў чацьвер ў выніку выбуху каля мяжы з Ярданіяй, загінулі двое марскіх пехацінцаў.