Лінкі ўнівэрсальнага доступу

logo-print

На двух будатрадаўцаў абрынулася сьцяна, пацярпелыя ў шпіталі


Марыя Ўсьціновіч, Магілёўская вобласць У вёсцы Галоўчын Бялыніцкага раёну адбыўся няшчасны выпадак, у выніку якога пацярпелі два ўдзельнікі будаўнічага студэнцкага атраду.

Там працавалі 10 студэнтаў Беларуска-расейскага ўнівэрсытэту з Магілёва. Яны разьбіралі будынак былога сьпіртзаводу. У часе працы сьцяна будынку абрынулася і заваліла два чалавекі.

Маладыя людзі моцна пацярпелі, яны атрымалі траўмы і пераломы. Паводле інфармацыі Магілёўскага гарадзкога шпіталю хуткай дапамогі, адзін з іх з знаходзіцца ў рэанімацыі, іншы — у аддзяленьні нэўрахірургіі. Мэдыкі сёньня паведамілі, што небясьпекі для жыцьця студэнтаў няма.

Улады стварылі камісію, у якую ўвайшлі інспэкцыя аховы працы і прадстаўнікі пракуратуры. Часова, пакуль праверка, адхілены ад сваіх абавязкаў кіраўнік сельскай гаспадаркі, дзе працаваў будатрад. Ва ўнівэрсытэце паведамілі, што астатнія 8 чалавек з будатраду зьехалі з Галоўчына.

Паводле некаторай інфармацыі, якая не пацьверджаная афіцыйна, на момант здарэньня побач са студэнтамі не было дарослых людзей, спэцыялістаў. Аднак усе кропкі над “і” расставіць камісія, якая цяпер праводзіць расьсьледаваньне.
XS
SM
MD
LG