Гэтая кніга выдадзеная рыма-каталіцкаю парафіяй паводле бласлаўленьня і пры самым чынным удзеле пробашча Чырвонага касьцёлу ксяндза Ўладыслава Завальнюка.
Адметнасьць падзеі яшчэ і ў тым, што паэтычнае слова гучыць сёньня не ў тэатральнай, як зазвычай, а ў вялікай залі касьцёлу, пад тымі скляпеньнямі, якія звыкліся да словаў сьвятое імшы ды сьвятарскіх казаняў.
Перад пачаткам самое прэзэнтацыі ў Чырвоным касьцёле была адслужаная імша ў гонар усіх беларускіх літаратараў, якія сваім талентам нясуць роднаму народу высокае слова духоўнае прыгажосьці. Імша перайшла ў паэтычную імпрэзу, якую ўпершыню ў найноўшай гісторыі беларускае літаратуры ладзілі ў літургічнай залі Чырвонага касьцёлу.
Сам паэт сядзеў перад алтаром побач з пробашчам касьцёлу ксяндзом Уладыславам Завальнюком.
Артысты беларускіх тэатраў чыталі вершы з новае кнігі Рыгора Барадуліна, сябры, літаратуразнаўцы і калегі прамаўлялі сваё разуменьне фэномэну таленту аўтара “Кстоў”.
Тое, што рыма-каталіцкая парафія выдала кнігу духоўнае паэзіі, выступоўцы назвалі заканамерным этапам росту непаўторнага барадуліскага таленту, падобны якому даецца рэдка. І нават, як сказаў старшыня Беларускага ПЭН-цэнтру Лявон Баршчэўскі, калі б толькі Барадулін быў у нашай паэзіі, то й гэтага хапіла б для ўваходжаньня сучаснай беларускай літаратуры ў эўрапейскі кантэкст, бо ягоны талент аблашчаны нябёсамі.
Вечарына духоўнае паэзіі Рыгора Барадуліна доўжылася болей за тры гадзіны, пасьля чаго паэт яшчэ шмат часу раздаваў аўтографы сваім прыхільнікам.
Фатарэпартаж з прэзэнтацыі:
Рыгор Барадулін чытае "Ксты"
Уладзімер Някляеў
Рыгор Барадулін і маладая чытачка
Рыгор Барадулін і айцец Андрэй Абламейка
Адметнасьць падзеі яшчэ і ў тым, што паэтычнае слова гучыць сёньня не ў тэатральнай, як зазвычай, а ў вялікай залі касьцёлу, пад тымі скляпеньнямі, якія звыкліся да словаў сьвятое імшы ды сьвятарскіх казаняў.
Перад пачаткам самое прэзэнтацыі ў Чырвоным касьцёле была адслужаная імша ў гонар усіх беларускіх літаратараў, якія сваім талентам нясуць роднаму народу высокае слова духоўнае прыгажосьці. Імша перайшла ў паэтычную імпрэзу, якую ўпершыню ў найноўшай гісторыі беларускае літаратуры ладзілі ў літургічнай залі Чырвонага касьцёлу.
Сам паэт сядзеў перад алтаром побач з пробашчам касьцёлу ксяндзом Уладыславам Завальнюком.
Артысты беларускіх тэатраў чыталі вершы з новае кнігі Рыгора Барадуліна, сябры, літаратуразнаўцы і калегі прамаўлялі сваё разуменьне фэномэну таленту аўтара “Кстоў”.
Тое, што рыма-каталіцкая парафія выдала кнігу духоўнае паэзіі, выступоўцы назвалі заканамерным этапам росту непаўторнага барадуліскага таленту, падобны якому даецца рэдка. І нават, як сказаў старшыня Беларускага ПЭН-цэнтру Лявон Баршчэўскі, калі б толькі Барадулін быў у нашай паэзіі, то й гэтага хапіла б для ўваходжаньня сучаснай беларускай літаратуры ў эўрапейскі кантэкст, бо ягоны талент аблашчаны нябёсамі.
Вечарына духоўнае паэзіі Рыгора Барадуліна доўжылася болей за тры гадзіны, пасьля чаго паэт яшчэ шмат часу раздаваў аўтографы сваім прыхільнікам.
Фатарэпартаж з прэзэнтацыі:
Рыгор Барадулін чытае "Ксты"
Уладзімер Някляеў
Рыгор Барадулін і маладая чытачка
Рыгор Барадулін і айцец Андрэй Абламейка