Міхаіл Падаляк напісаў артыкул, дзе апавядалася пра магчымую арганізацыю атручваньня спадара Юшчанкі бізнэсоўцам Барысам Беразоўскім ды ягоным сябрам, цяперашнім міністрам надзвычайных сытуацыў Давідам Жваніям.
У публікацыі “Таемная вячэра” маляўніча апісвалася, як спадар Жванія прыляцеў у Лёндан да спадара Беразоўскага, які прапанаваў атруціць кандыдата на прэзыдэнта Віктара Юшчанку дзеля росту ягонага рэйтынгу перад выбарамі.
Спадар Падаляк выказаў спадзяваньне, што выклік яго ў пракуратуру не зьвязаны з пачаткам новай хвалі рэпрэсіяў супраць незалежных журналістаў Украіны.
У інтэрвію Радыё Свабода пасьля 4-гадзіннага допыту Міхаіл Падаляк заявіў:
(Падаляк: ) “Як высьветлілася падчас гэтай размовы, некаторыя дэталі, якія былі агучаныя ў тэксьце “Таемная вячэра”, сапраўды нясуць у сабе падрабязнасьці, якія ведае вельмі вузкае кола людзей, што маюць дачыненьне да сустрэчы будучага прэзыдэнта на лецішчы ў кіраўніцтва Службы бясьпекі Ўкраіны.
Акрамя таго, што мы сёньня давалі паказаньні ў пракуратуры, учора ў нас у офісе рэдакцыі былі прадстаўнікі Службы бясьпекі Ўкраіны. У рамках апэратыўных захадаў яны задавалі некаторыя пытаньні, якія тычацца гэтай публікацыі, і ці будуць яшчэ ў газэце публікацыі, якія так або інакш уздымаюць тэму атручваньня прэзыдэнта”.
А якія менавіта пытаньні мае да спадара Падаляка ўкраінская генэральная пракуратура? Яе прэсавы сакратар Аляксей Бебель адказаў на гэта так:
(Бебель: ) “Я не магу камэнтаваць гэтае пытаньне. Праводзіцца расьсьледаваньне. Калі будзе магчымасьць, дасудовае сьледзтва паведаміць”.
Галоўны рэдактар тыднёвіка “Українська газета" Міхаіл Падаляк падкрэсьлівае, што пэўныя людзі ў афіцыйным Кіеве адрэагавалі на ягоны артыкул, і менавіта гэтым выкліканыя дзеяньні пракурораў:
(Падаляк: ) “Мажліва, камусьці не хацелася, каб газэта працягвала публікацыю вэрсіяў атручваньня. Але я думаю, што пракуратура Ўкраіны сёньня ўжо ня ў тым стане, калі яна будзе адкрыта ваяваць з прэсай. Мы сёньня вядзем вельмі цяжкую размову зь некаторымі ўплывовымі асобамі пра тое, маем ці ня маем мы права публікаваць сваё расьсьледаваньні. Яны як бы папрасілі нас прыпыніць на некаторы час публікацыі – на тыдзень, на два тыдні. Таму мы выйшлі зь белымі плямамі – замест вэрсіі нумар ва ўчорашнім нумары газэты белая пляма на развароце”.
Спадар Падаляк прыгадаў, што раней у ягонай практыцы белыя плямы ў газэтах былі толькі ў Беларусі.
У публікацыі “Таемная вячэра” маляўніча апісвалася, як спадар Жванія прыляцеў у Лёндан да спадара Беразоўскага, які прапанаваў атруціць кандыдата на прэзыдэнта Віктара Юшчанку дзеля росту ягонага рэйтынгу перад выбарамі.
Спадар Падаляк выказаў спадзяваньне, што выклік яго ў пракуратуру не зьвязаны з пачаткам новай хвалі рэпрэсіяў супраць незалежных журналістаў Украіны.
У інтэрвію Радыё Свабода пасьля 4-гадзіннага допыту Міхаіл Падаляк заявіў:
(Падаляк: ) “Як высьветлілася падчас гэтай размовы, некаторыя дэталі, якія былі агучаныя ў тэксьце “Таемная вячэра”, сапраўды нясуць у сабе падрабязнасьці, якія ведае вельмі вузкае кола людзей, што маюць дачыненьне да сустрэчы будучага прэзыдэнта на лецішчы ў кіраўніцтва Службы бясьпекі Ўкраіны.
Акрамя таго, што мы сёньня давалі паказаньні ў пракуратуры, учора ў нас у офісе рэдакцыі былі прадстаўнікі Службы бясьпекі Ўкраіны. У рамках апэратыўных захадаў яны задавалі некаторыя пытаньні, якія тычацца гэтай публікацыі, і ці будуць яшчэ ў газэце публікацыі, якія так або інакш уздымаюць тэму атручваньня прэзыдэнта”.
А якія менавіта пытаньні мае да спадара Падаляка ўкраінская генэральная пракуратура? Яе прэсавы сакратар Аляксей Бебель адказаў на гэта так:
(Бебель: ) “Я не магу камэнтаваць гэтае пытаньне. Праводзіцца расьсьледаваньне. Калі будзе магчымасьць, дасудовае сьледзтва паведаміць”.
Галоўны рэдактар тыднёвіка “Українська газета" Міхаіл Падаляк падкрэсьлівае, што пэўныя людзі ў афіцыйным Кіеве адрэагавалі на ягоны артыкул, і менавіта гэтым выкліканыя дзеяньні пракурораў:
(Падаляк: ) “Мажліва, камусьці не хацелася, каб газэта працягвала публікацыю вэрсіяў атручваньня. Але я думаю, што пракуратура Ўкраіны сёньня ўжо ня ў тым стане, калі яна будзе адкрыта ваяваць з прэсай. Мы сёньня вядзем вельмі цяжкую размову зь некаторымі ўплывовымі асобамі пра тое, маем ці ня маем мы права публікаваць сваё расьсьледаваньні. Яны як бы папрасілі нас прыпыніць на некаторы час публікацыі – на тыдзень, на два тыдні. Таму мы выйшлі зь белымі плямамі – замест вэрсіі нумар ва ўчорашнім нумары газэты белая пляма на развароце”.
Спадар Падаляк прыгадаў, што раней у ягонай практыцы белыя плямы ў газэтах былі толькі ў Беларусі.
