БЭРЛІН Бундэстаг заклікаў Турэччыну перагледзіць яе ролю ў масавым забойстве армянаў напачатку ХХ стагодьдзя. Нямецкі парлямэнт заклікаў урад начіснуць на Анкару, каб турэцкі бок правеў дасьледваньне тых падзеяў і зрабіў крокі да прымірэньня. Армэнія заяўляе, што у 1915-1923 гадох Турэччына рабіла гэнацыд супраць армянаў, забіўшы мільён чалавек. Турэччына не прымае фармулёўку “гэнацыд” і заяўляе, што ахвяраў было значна меньш, чым падае армянскі бок. Гэтая праблема можа стаць перашкодай плянам Турэччыны далучыцца да Эўразьвяза.