Аляксандр Бярылаў пацьвердзіў, што лідэр гарадзенскіх прадпрымальнікаў Валер Леванеўскі днямі спыніў галадоўку, якую трымаў з 1 чэрвеня. Вось што адвакат распавёў пра тое, як пачуваецца вязень івацэвіцкай калёніі:
(Бярылаў: ) “Ён нармальна сябе адчувае. Сказаў што ўсё добра, выйшаў з галадоўкі добра. Крыху скардзіцца на сэрца, але гэта, відаць, звычайна для ўсіх там. Казаў, што магчыма яго накіруюць ў рэспубліканскі турэмны шпіталь на абсьледаваньне”.
Паводле адваката, Валер Леванеўскі схуднеў, але захаваў бадзёрасьць і добры настрой. Вязень казаў, што недахоп ежы яму кампэнсавала добрае паветра, бо вакол калёніі шмат лясоў і паветра вельмі чыстае.
Чаго дамогся Валер Леванеўскі сваёй галадоўкай?
Адвакат паведаміў, што ў выніку галадоўкі сустрэцца зь Леванеўскім адмыслова прыяжджалі кіраўнік берасьцейскай ўправы дэпартамэнту выкананьня пакараньняў і намесьнік начальніка дэпартамэнту зь Менску. Гэта ўжо вялікая перамога, лічыць адвакат. Аднак большасьць прэтэнзіяў Леванеўскага да адміністрацыі калёніі пакуль засталіся. Яны тычацца правілаў атрыманьня і адпраўленьня карэспандэнцыі. Валер Леванеўскі лічыць, што правы вязьняў на карэспандэнцыю моцна абмяжоўваюцца. Прыкладам, за год знаходжаньня ў калёніі спадар Леванеўскі накіраваў каля ста розных лістоў і скаргаў, аднак, паводле ягоных зьвестак, дайшла іх да адрасатаў усяго дзесятая частка. Таму лідэр прадпрымальнікаў патрабуе ўдасканаліць сыстэму ўліку скаргаў асуджаных і адказаў на гэтыя скаргі. Паколькі ягоныя патрабаваньні ня выкананыя, ён пакінуў за сабой права аднавіць галадоўку.
На пытаньне, як ставіліся вязьні да галадоўкі, Аляксандр Бярылаў адказаў.
(Бярылаў: ) “Ён казаў, што яго падтрымліваюць, а калі ёсьць нейкія нэгатыўныя праявы, ён лічыць іх дзеяньнямі адміністрацыі і вынікам залежнасьці асуджаных ад адміністрацыі”.
Нагадаем, на мінулым тыдні стала вядома, што адзін з асуджаных пагражаў забіць Леванеўскага за тое, што той скардзіцца на турэмнае начальства. Лідэр прадпрымальнікаў заявіў, што гэты асуджаны актыўна супрацоўнічае з адміністрацыяй. Паводле адваката Аляксандра Бярылава, канфлікт зараз вырашаны.
***
Лідэр прадпрымальнікаў з Горадні Валер Леванеўскі быў асуджаны на 2 гады зьняволеньня за паклёп на прэзыдэнта. Арганізацыя “Міжнародная амністыя” абвясьціла яго вязьнем сумленьня.
(Бярылаў: ) “Ён нармальна сябе адчувае. Сказаў што ўсё добра, выйшаў з галадоўкі добра. Крыху скардзіцца на сэрца, але гэта, відаць, звычайна для ўсіх там. Казаў, што магчыма яго накіруюць ў рэспубліканскі турэмны шпіталь на абсьледаваньне”.
Паводле адваката, Валер Леванеўскі схуднеў, але захаваў бадзёрасьць і добры настрой. Вязень казаў, што недахоп ежы яму кампэнсавала добрае паветра, бо вакол калёніі шмат лясоў і паветра вельмі чыстае.
Чаго дамогся Валер Леванеўскі сваёй галадоўкай?
Адвакат паведаміў, што ў выніку галадоўкі сустрэцца зь Леванеўскім адмыслова прыяжджалі кіраўнік берасьцейскай ўправы дэпартамэнту выкананьня пакараньняў і намесьнік начальніка дэпартамэнту зь Менску. Гэта ўжо вялікая перамога, лічыць адвакат. Аднак большасьць прэтэнзіяў Леванеўскага да адміністрацыі калёніі пакуль засталіся. Яны тычацца правілаў атрыманьня і адпраўленьня карэспандэнцыі. Валер Леванеўскі лічыць, што правы вязьняў на карэспандэнцыю моцна абмяжоўваюцца. Прыкладам, за год знаходжаньня ў калёніі спадар Леванеўскі накіраваў каля ста розных лістоў і скаргаў, аднак, паводле ягоных зьвестак, дайшла іх да адрасатаў усяго дзесятая частка. Таму лідэр прадпрымальнікаў патрабуе ўдасканаліць сыстэму ўліку скаргаў асуджаных і адказаў на гэтыя скаргі. Паколькі ягоныя патрабаваньні ня выкананыя, ён пакінуў за сабой права аднавіць галадоўку.
На пытаньне, як ставіліся вязьні да галадоўкі, Аляксандр Бярылаў адказаў.
(Бярылаў: ) “Ён казаў, што яго падтрымліваюць, а калі ёсьць нейкія нэгатыўныя праявы, ён лічыць іх дзеяньнямі адміністрацыі і вынікам залежнасьці асуджаных ад адміністрацыі”.
Нагадаем, на мінулым тыдні стала вядома, што адзін з асуджаных пагражаў забіць Леванеўскага за тое, што той скардзіцца на турэмнае начальства. Лідэр прадпрымальнікаў заявіў, што гэты асуджаны актыўна супрацоўнічае з адміністрацыяй. Паводле адваката Аляксандра Бярылава, канфлікт зараз вырашаны.
***
Лідэр прадпрымальнікаў з Горадні Валер Леванеўскі быў асуджаны на 2 гады зьняволеньня за паклёп на прэзыдэнта. Арганізацыя “Міжнародная амністыя” абвясьціла яго вязьнем сумленьня.