БІШКЕК. У сталіцы Кіргізстану напярэдадні прэзыдэнцкіх выбараў зьдзейсьнены напад на выбарчы штаб аднаго з галоўных кандыдатаў – Курманбэка Бакіева, які цяпер часова выконвае абавязкі кіраўніка дзяржавы. Прадстаўнік Бакіева паведаміў нашаму радыё, што нападнікі перадусім шукалі дакумэнты – іх цікавіла, дзе і ў які час будзе знаходзіцца Бакіеў. Прэзыдэнцкія выбары ў Кіргізстане адбудуцца 10 ліпеня.