Лінкі ўнівэрсальнага доступу

logo-print

Выйшаў “Глос з-над Немна”, у рэдакцыі лічаць гэта “правакацыяй”


Сяргей Астраўцоў, Горадня. Сёньня выйшаў 19-ы нумар газэты Саюзу палякаў “Глос з-над Немна”. Гэта стала нечаканасьцю для кіраўніцтва СПБ і самой рэдакцыі газэты. Галоўны рэдактар Анджэй Пісальнік схільны лічыць гэтую падзею правакацыяй.

Гарадзенская абласная друкарня да апошняга дня адмаўлялася друкаваць новы нумар “Глоса з-над Немна”. У друкарні не пацьвердзілі і зьвестак наконт таго, што свой нумар рыхтуе былое кіраўніцтва СПБ на чале з Тадэвушам Кручкоўскім, якога падтрымліваюць улады. Аднак сёньня “Глос з-над Немна” у першай палове дня зьявіўся ў гарадзенскіх газэтных шапіках.

У нумары не пазначаны рэдактар выданьня, а толькі—“рэдакцыйная калегія”, а таксама напісана, што выдаўцом зьяўляецца Грамадзкае аб’яднаньне “Саюз палякаў Беларусі”. У газэце надрукаваны артыкул Тадэвуша Кручкоўскага, а таксама—на расейскай мове рашэньне Мінюсту РБ аб нелегітымнасьці вынікаў апошняга—6-га зьезду СПБ і новага кіраўніцтва арганізацыі.
XS
SM
MD
LG