Лінкі ўнівэрсальнага доступу

“Беларускія ўлады павінны разумець, што грубае парушэньне правоў прафсаюзаў не застанецца без пакараньня”


Ул.інф. “Беларускія ўлады павінны разумець, што грубае парушэньне правоў прафсаюзаў не застанецца без пакараньня” – пра гэта заявіў генэральны сакратар Міжнароднай канфэдэрацыі свабодных прафсаюзаў Гай Райдэр, выступаючы на канфэрэнцыі Міжнароднай арганізацыі працы.

Пазалетась Міжнародная канфэдэрацыя свабодных прафсаюзаў разам з шэрагам іншых міжнародных прафсаюзных арганізацыяў зьвярнуліся ў Эўрапейскую камісію – выканаўчы орган Эўразьвязу – з ініцыятывай пазбавіць Беларусь гандлёвых прывілеяў за парушэньне правоў прафсаюзаў.

Камісар Эўразьвязу ў пытаньнях гандлю Пітэр Мэндэльсон рэкамэндаваў Эўракамісіі пазбавіць Беларусь гандлёвых прывілеяў у межах так званай Абагульненай сыстэмы прэфэрэнцыяў. Працэдура часовага прыпыненьня гэтых льготаў працягнецца 6 месяцаў.

“Мы без ваганьняў пазбавім гандлёвых ільготаў тыя краіны, якія сыстэматычна парушаюць стандарты працы” – заявіў камісар Эўразьвязу ў пытаньнях гандлю Пітэр Мэндэльсон.
XS
SM
MD
LG