Лінкі ўнівэрсальнага доступу

У Салігорску ўлады сарвалі прэзэнтацыю зборніку "Беларусь – сцэнар рэформаў"


Севярын Квяткоўскі, Менская вобласьць Кніжка ўтрымлівае артыкулы вядомых беларускіх палітолягаў, якія прапануюць свае вэрсіі разьвіцьця краіны. Ужо адбыліся больш за дваццаць падобных прэзэнтацыяў гэтай кнігі, але ў Салігорску 5 чэрвеня "ўвагу" да кніжкі праявілі прадстаўнікі сілавых структураў.

Паводле намесьніка старшыні Партыі БНФ па Менскай вобласьці Паўла Батуева, 5 чэрвеня ў салігорскім Доме культуры сабраліся актывісты дэмакратычных арганізацыяў, а таксама некаторыя з аўтараў кнігі "Беларусь – сцэнар рэформаў": Уладзімер Мацкевіч і Міхал Залескі.

Перад пачаткам сустрэчы ў Доме культуры зьявіліся міліцыянты на чале з намесьнікам начальніка Салігорскага РУУС, а таксама людзі ў цывільным зь відэакамэрамі. Паводле Паўла Батуева, у выніку прэзэнтацыю давялося зладзіць у "палявых умовах".
XS
SM
MD
LG