ВАШЫНГТОН. Злучаныя Штаты могуць замарозіць рахункі шэрагу беларускіх чыноўнікаў адмовіць ім у выдачы візаў на знак пратэсту супраць недэмакратычнага рэжыму Аляксандра Лукашэнкі.
Акрамя гэтага ЗША могуць абмежаваць ўдзел беларускіх афіцыйных асобаў ў міжнародных спартовых, культурных і палітычных мерапрыемствах.
Пра гэта заявіў высокапастаўлены супрацоўнік Дзярждэпартамэнту ЗША, які не пажадаў назваць сваё імя.
Паводле ягоных словаў, гэта зьвязанае з грубымі парушэньнямі беларускімі ўладамі правоў чалавека і рэпрэсіямі супраць апазыцыі, незалежных мэдыяў і недзяржаўных арганізацыяў, якія ўзмацняюцца напярэдадні прэзыдэнцкіх выбараў.