Лінкі ўнівэрсальнага доступу

Міністар юстыцыі са зьдзіўленьнем даведаўся, што ён стаў "неўязным"


Інтэрфакс Як паведамляе агенцтва "Інтэрфакс", міністар юстыцыі Беларусі Віктар Галаванаў “са зьдзіўленьнем успрыняў інфармацыю пра тое, што Польшча ўнесла яго ў сьпіс “неўязных” за рашэньне міністэрства аб прызнаньні нелегітымным апошняга зьезду Саюзу палякаў Беларусі”.

“Мне шкада, што польскі бок такім чынам рэагуе на патрабаваньне да грамадзкіх арганізацыяў выконваць дзейнае заканадаўства”, – заявіў міністар.

Спадар Галаванаў паўтарыў меркаваньне мін''юсту, што шосты зьезд Саюзу палякаў прайшоў з парушэньнямі заканадаўства. Ён таксама прыгадаў, што Саюз ужо атрымаў сёлета адно пісьмовае папярэджаньне.

“Калі быць да канца прынцыповымі, можна падаваць у суд справу аб ліквідацыі Саюзу палякаў”, – падкрэсьліў Віктар Галаванаў і дадаў, што “беларускі бок пайшоў насустрач Саюзу, не жадаючы правакаваць канфлікт”.

Паводле міністра, калі Саюз не абскардзіць рашэньня мін''юсту і не правядзе новага зьезду, на чале Саюзу палякаў Беларусі павінна застацца папярэдняе кіраўніцтва.
XS
SM
MD
LG